सेंट्रल व्हिस्टाविरोधात चांदूर रेल्वेत माकपची निदर्शने

एसडीओंमार्फत राष्ट्रपतींना निवेदन

चांदूर रेल्वे : केंद्राच्या भाजप सरकारने सेंट्रल व्हिस्टा ही संसदेची नवी इमारत आणत आहे. देशापुढील संकट गहीरे असताना ४० हजार कोटींच्या महालाची देशाला गरज नाही, असे ठणकावून सांगण्यासाठी चांदूर रेल्वेत मार्क्सवादी कम्युनिस्ट पक्षाने तहसिल कार्यालयासमोर मंगळवारी निदर्शने केली. याबाबतचे निवेदन एसडीओंमार्फत राष्ट्रपतींना पाठविण्यात आले.

सेंट्रल व्हिस्टाचा आजचा त्याचा खर्च २३ हजार कोटीवर गेला आहे. संपूर्ण बांधकाम पूर्ण होईपर्यंत ही रक्कम ४० हजार कोटी वर जाणार आहे. जनतेला कोरोना पासून वाचविणारी लस सुद्धा सर्वांना देऊ न शकणाऱ्या केंद्र सरकारला अशी उधळपट्टी करण्याचा अधिकार नाही, असे माकपाने निवेदनात म्हटले आहे. "सेंट्रल व्हिस्टा हटाव, हॉस्पिटल बनाव" अशी घोषणाबाजी यावेळी करण्यात आली. निवेदन देतेवेळी देविदास राऊत, रामदास कारमोरे, रामराव सोनटक्के, हरीसिंह चव्हाण, प्रवीण ठाकरे, महादेव गारपवार, अशोक राऊत, अर्जुन जिभकाटे, प्रफुल निकाळजे आदींची उपस्थिती होती.

010921\img-20210901-wa0009.jpg

photo