यात्रांना कोरोनाची बाधा

अमरावती : कोरोनाचा वाढता प्रादुर्भाव लक्षात घेता गतवर्षीप्रमाणे यंदाही जिल्ह्यातील बहुतांश गावांच्या यात्रा रद्द झाल्या आहेत. आगामी काही गावातील यात्रा रद्द होण्याची शक्यता निर्माण झाली आहे. फेब्रुवारीच्या मध्यापर्यंत नगण्य असणारी कोरोना रुग्णांची संख्या आता पुन्हा वाढू लागली आहे. त्यामुळे धार्मिक उत्सवांवर मर्यादा आली आहे.

गतवर्षी यात्रा-जत्रांच्या हंगामात कडक लॉकडाऊनचा अनुभव नागरिकांनी घेतला. यंदा पुन्हा यात्रांच्या हंगामावर कोरोनाचे सावट कायम असल्यामुळे मोठी आर्थिक उलाढाल थांबणार आहे. फेब्रुवारी ते मे दरम्यान ग्रामदैवताची यात्रा उत्साहात पारंपरिक पद्धतीने साजरा होता. गतवर्षी कोरोनाच्या संकटामुळे यात्रा, निवडणुका, सार्वजनिक कार्यक्रम लग्नसोहळे, शाळा, महाविद्यालये बंद ठेवत या कार्यक्रमांवर बंदी घालण्यात आली होती. चालू वर्षाचे जानेवारी आणि फेब्रुवारीपासून कोरोना रुग्णांची संख्या कमी झाली होती. त्यामुळे सार्वजनिक कार्यक्रम सुरू झाले होते. परंतु फेब्रुवारीच्या माध्यमातून पुन्हा कोरोना रुग्णांची संख्या वाढल्याने या वर्षीदेखील यात्रा-जत्रावर परिणाम होण्याची शक्यता आहे.

बॉक्स

भाविकांची वर्दळ नाही थांबणार

ग्रामीण भागातील यात्रा दरवर्षी आनंदाने आणि उत्साहात साजरी केली जाते.

यात्रासाठी बाहेरगावचे नातेवाईक येतात. या माध्यमातून आप्तस्वकीयांमध्ये आपुलकीची भावना वाढीस लागते. मात्र यंदाही वर्दळ अनुभवण्यास मिळण्याची शक्यता धुसर झाली आहे.

बॉक्स

व्यावसायिकांमध्ये नाराजीचे सूर

यात्रा-जत्रानिमित्त संबंधित ठिकाणी सांस्कृतिक कार्यक्रम, क्रीडा स्पर्धा आयोजित केल्या जातात. त्यातून मोठी आर्थिक उलाढाल होते. त्यामुळे यात्रांचा हंगाम सर्वसामान्यांसाठी छोट्या-मोठ्या व्यावसायिकांसाठी फायदेशीर ठरत असतो. मात्र, चालू वर्षीही या गावाचा आनंद नागरिकांना घेता येणार नसल्याचे सध्याचे स्थितीवरून दिसून येते. त्यामुळे व्यावसायिकांमध्ये मात्र नाराजीचा सूर दिसून येत आहे.

बॉक्स

कोरोना सोडेना पाठ

गतवर्षीपासून नागरिक या संकटाला तोंड देत आहे. उपलब्ध होऊनही कोरोना पाठ सोडत नसल्याने अनेकांना हालअपेष्टा सहन कराव्या लागत आहेत. त्यातच वाढत्या प्रादुर्भावामुळे यात्राबाबत कठोर निर्णय घ्यावे लागत आहे.