कोरोनाचे १० बळी, ८०२ पाॅझिटिव्ह

अमरावती : जिल्ह्यात कोरोनाग्रस्तांच्या मृत्यूचे सत्र सुरूच आहे. बुधवारी उपचारादरम्यान १० रुग्णांचा मृत्यू झाल्याने संक्रमितांच्या मृत्यूची संख्या ४८१ झाली आहे. तसेच ८०२ अहवाल पॉझिटिव्ह आल्याने सद्यस्थितीत कोरोनाग्रस्तांची संख्या ३१,९२५ झालेली आहे.

जिल्ह्यात कोरोनाचा संसर्ग वाढतच आहे. सध्या रोज ८०० ते ९०० क्राॅस रुग्णांची नोंद जिल्ह्यात होत आहे. बुधवारी २,३६५ चाचण्या करण्यात आल्या. यात पॉझिटिव्हिटीची ३३.९१ टक्केवारी आहे. या आठवड्यात चाचण्यांमध्ये ३२.४८ टक्के पॉझिटिव्हिटी असल्याने समूह संसर्गाची भीती निर्माण झाली आहे. कुटुंबाचे कुटुंब यावेळी पॉझिटिव्ह नोंद होत आहे. त्यामुळे जिल्हाधिकाऱ्यांनी १ मार्चपर्यंत अमरावती शहर व परिसर व ग्रामीणमध्ये गुरुकुंज मोझरी व अचलपूर पालिका क्षेत्र व परिसर कंटेनमेंट झोन जाहीर करून लॉकडाऊन घोषित केलेला आहे.

जिल्हा शल्यचिकित्सकांच्या अहवालनुसार ४,१८९ ॲक्टिव्ह रुग्ण आहेत. यापैकी १,२१० रुग्णांवर विविध रुग्णालयात उपचार सुरू आहे. याशिवाय होम आयोसोलेशन सुविधांचा महापालिका क्षेत्रात २,३०९ व ग्रामीणमध्ये ६७० रुग्ण लाभ घेत आहे. उपचारादरम्यान बरे वाटल्याने बुधवारी ४९७ रुग्णांना घरी सोडण्यात आले. सद्यस्थितीत संक्रमणमुक्त रुग्णांची संख्या २७,२५५ वर पोहोचली आहे. रुग्णसंख्या वाढल्याने रिकव्हरी रेट आता ८५.३७ टक्क्यांवर पोहोचला आहे. दोन आठवड्यांपूर्वी हे प्रमाण ९६ टक्क्यांवर होते. रुग्ण दुपटीचा रेटदेखील आता १०१ दिवसांनी कमी १०५ दिवसांवर पोहोचला आहे. मृत्यूचा दर आता १.५१ टक्क्यांवर आहे.

बॉक्स

बुधवारचे कोरोना मृत्यू

(माहिती यायची आहे. कृपया चार ते पाच ओळी जागा सोडावी)