थोडक्यातील बातम्या

अमरावती : जिल्ह्यात कोरोना संसर्गाचा धोका लक्षात घेता प्रतिबंधात्मक करावयाच्या उपायोजनांसाठी ९ फेब्रुवारी रोजी सकाळी १० वाजता जिल्हाधिकारी कार्यालयात आढावा बैठक आयोजित करण्यात आली आहे.

........................................

झेडपीत आमसभेची तयारी

अमरावती : जिल्हा परिषदेची दर तीन महिन्यांतून एकदा होणारी आमसभा येत्या २२ फेब्रुवारी रोजी आयोजित करण्यात आली आहे. या सभेच्या तयारीसाठी प्रशासकीय यंत्रणा कामाला लागली आहे.

.................................

पाणीटंचाई आराखड्यासाठी सभा

अमरावती : दरवर्षी उन्हाळ्याच्या दिवसांत भेडसावणाऱ्या पाणीटंचाईची समस्या निवारणार्थ पंचायत समितीत आमदारांच्या उपस्थित बैठकी घेणे सुरू झाले आहेत. यात चांदूर रेल्वे, तिवसा येथे बैठकी पार पडल्या आहेत.

.........................

जिल्ह्यात थंडीचा कडाका वाढला

अमरावती : दोन दिवसांपासून ग्रामीण भागापाठोपाठ शहरातही थंडीचा कडाका चांगलाच वाढला आहे. त्यामुळे थंडीपासून बचाव करण्यासाठी स्वेटर, मपलट,टोपीचा वापर अधिक वाढल्याचे चित्र दिसून येत आहे.

...........................................

रासेगाव ते काकडा रस्त्याची दुरुस्ती केव्हा

अचलपूर : रासेगाव ते काकडा गावाकडे जाणाऱ्या डांबरी रस्त्यावर ठिकठिकाणी जीवघणे खड्डे पडले आहेत. परिणामी या मार्गावरून वाहन चालविणेही कठीण झाले आहे. रस्ता नादुरुस्त असल्याने वाहनधारकांसोबतच नागरिकांना मनस्ताप सहन करावा लागत आहे. त्यामुळे हा रस्ता दुरुस्तीची मागणी होत आहे.

............................