थोडक्यातील बातम्या

अमरावती:दिल्ली येथे सुरू असलेल्या शेतकरी आंदोलनाचे समर्थनार्थ देशभर शुक्रवार ६ फेब्रुवारी रोजी किसान संघर्ष समन्वय समितीच्या वतीने रहाटगांव चौफुलीवर रास्तारोको आंदोलन केले जाणार आहे.

.................................

सरपंच आरक्षण सोडतीची धामधूम आटोपली

अमरावती: जिल्ह्यातील ५५३ ग्रामपंचायतींच्या निवडणूक व निकालाची प्रक्रिया आटोपताच १४ तहसिल कार्यालयात २ व ४ फेब्रुवारी रोजी जिल्हाभरातील ग्रामपंचायतींच्या सरपंच पदासाठीची आरक्षण सोडतीचीही प्रक्रिया आटोपली आहे.त्यामुळे आता सरपंचपदाच्या निवडणुकीची लगबग सुरू होणार आहे.

.....................

विकास प्रशिक्षण कार्यशाळा

अंजनगाव सुर्जी : येथील पंचायत समितीच्यावतीने नुकतीच विकास प्रशिक्षण कार्यशाळा पार पडली. यावेळी कार्यशाळेला पांडुरंग उलेमाले,सुधाकर उमक,अनुप सोनारकर यांनी ग्रामपंचायतीशी संबंधित विषयावर मार्गदर्शन केले.यावेळी बीडीओ केशव पवार, विलास वडतकर सुनील गवळी डॉ. सुधीर डोंगरे व ग्रामपंचायत पदाधिकारी व ग्रामसेवक उपस्थित होते.

..................

खैरी ते दोनोडा रस्त्याची दुरुस्ती केव्हा?

अचलपूर : आसेगाव पूर्णा ते दर्यापूर मार्गावरील खैरी ते दोनोडा गावाकडे जाणाऱ्या डांबरी रस्त्यावर ठिकठिकाणी जीवघणे खड्डे पडले आहेत.परिणामी या मार्गावरून वाहन चालविणेही कठीण झाले आहे.रस्ता नादुरुस्त असल्याने वाहनधारकासोबतच नागरिकांना मनस्ताप सहन करावा लागत आहे. त्यामुळे हा रस्ता तातडीने दुरुस्त करण्याची मागणी नागरिकांकडून होत आहे.