सक्रिय सहभाग...

पावसाळा सुरु झाला. काही ठिकाणी अतिवृष्टीही झाली. ऐनवेळी उपयोग न येणारी आपत्कालीन बचाव यंत्रणा या पावसाळ्यात गरज पडेल तेव्हा लागलीच उपलब्ध व्हावी, यासाठी जिल्हाधिकाऱ्यांनी विशेष लक्ष दिले. सोमवारी वडाळी तलावात बचाव बोटीचे प्रात्यक्षिक सादर करण्यात आले. जिल्हाधिकारी स्वत: त्या बोटीत दाखल झाले आणि बचाव प्रात्यक्षिकात त्यांनी सक्रिय सहभाग नोंदविला. जिल्हाधिकारी किरण गीत्ते यांची ही सक्रियता आपत्कालीन बचाव पथकाला आगळी ऊर्जा देऊन गेली.