१८०० ग्रामस्थांना सर्दी, ताप, खोकला

हायड्रॉक्सिक्लोरोक्वीन च्या गोळ्या देण्यात आल्या आहेत. शंभरपेक्षा अधिक डिग्री ताप असल्यास थर्मल स्कॅनर्सद्वारे तपासणी होणार असल्याची माहिती तालुका आरोग्य अधिकारी हर्षल क्षीरसागर यांनी दिली. तालुक्यातील एक हजार २० दिव्यांग व्यक्तींची यादी आरोग्य विभागाने तयार केली असल्याचे क्षीरसागर म्हणाले. धामणगाव शहरात २१ हजार नागरिकांची तपासणी करण्यात आली.

ठळक मुद्देधामणगाव तालुका : ६५ पथकांनी घेतल्या गृहभेटी, सर्वेक्षणातून उघड

लोकमत न्यूज नेटवर्कधामणगाव रेल्वे : कोरोणाच्या पार्श्वभूमीवर तालुक्यातील ६५ पथकांनी घेतलेल्या गृहभेटीत १८०० ग्रामस्थांना सर्दी, ताप, खोकला आढळून आला आहे. प्राथमिक आरोग्य केंद्र, उपकेंद्रात आरोग्य पथकांद्वारा या साधा आजारावर ओषधोपचार करण्यात येत आहे.कोरोना विषाणूवर प्रतिबंध प्रतिबंधात्मक उपाययोजनेसाठी तालुक्यात सर्वेक्षण करण्यात आले. तालुक्यातील आशा, स्वयंसेविका, अंगणवाडी सेविका यांच्या ६१ आरोग्य पथकाने १ लाख ११ हजार ८७६ ग्रामस्थांच्या गृहभेटी घेतल्या. यातील केवळ अठराशे ग्रामस्थांना साधा सर्दी ताप खोकला असल्याचे सर्वेक्षणातून पुढे आले आहेत. अंजनसिंगी, मंगरूळ दस्तगीर, तळेगाव दशासर, निंबोली या प्राथमिक आरोग्य केंद्रांवर अत्यावशक सेवेसाठीहायड्रॉक्सिक्लोरोक्वीन च्या गोळ्या देण्यात आल्या आहेत. शंभरपेक्षा अधिक डिग्री ताप असल्यास थर्मल स्कॅनर्सद्वारे तपासणी होणार असल्याची माहिती तालुका आरोग्य अधिकारी हर्षल क्षीरसागर यांनी दिली. तालुक्यातील एक हजार २० दिव्यांग व्यक्तींची यादी आरोग्य विभागाने तयार केली असल्याचे क्षीरसागर म्हणाले. धामणगाव शहरात २१ हजार नागरिकांची तपासणी करण्यात आली. यात केवळ ४७ जणांना सर्दी, ताप, खोकला आढळून आल्याचे ग्रामीण रुग्णालयाचे वैद्यकीय अधीक्षक महेश साबळे यांनी सांगितले. प्रत्येक गावावर आरोग्य विभागासह महसूल विभागाची नजर आहे. पोलीस पाटलांना आपल्या गावातच मुख्यालयी राहणे सक्तीचे केले आहे. गावात कुणी सर्दी, ताप, खोकलामुळे आजारी पडला. श्वसनाचा त्रास आहे, अशा ग्रामस्थांचा अहवाल तलाठ्यांना तहसील कार्यालयात देणे बंधनकारक आहे, असे तहसीलदार भगवान कांबळे म्हणाले. गावात स्वच्छतेबाबत हयगय खपवून घेणार नाही. कोणत्याही ग्रामसेवकांनी आपली तक्रार तालुका स्तरापर्यंत येऊ देऊ नये, याची दखल त्यांनी घ्यावी, असे निर्देश पंचायत समितीचे गटविकास अधिकारी पंकज भोयर यांनी दिले आहे.