किरकोळ वादातून युवकाची निर्घृण हत्या

२८ वर्षीय युवकाला काठी व लोखंडी पाईपने जबर मारहाण करून त्याची निर्घृण हत्या.

अकोला : शुक्रवारी रात्री झालेल्या भांडणाचा वचपा काढीत पाच ते सहा आरोपींनी संगनमत करून २८ वर्षीय युवकाला काठी व लोखंडी पाईपने जबर मारहाण करून त्याची निर्घृण हत्या केल्याची घटना शनिवारी सकाळी ७ वाजताच्या सुमारास कैलास टेकडी भागातील समतानगरात घडली. समतानगरात राहणार्‍या सरला कालीचरण चव्हाण (३0) यांनी दिलेल्या तक्रारीनुसार, २३ मे रोजी रात्री वसंत तेजपाल चव्हाण (२८) यांचे रामसुरत तिवारी याचेसोबत भांडण झाले; परंतु हा वाद मिटला होता. शनिवार, झालेल्या भांडणाचा वचपा काढण्यासाठी आरोपी राकेश तिवारी, सोनू तिवारी, पिंकू तिवारी आणि इतर १ ते २ जणांनी वसंत चव्हाण याला पकडले आणि त्याच्या डोक्यावर, हातावर व पायांवर काठी व लोखंडी पाईपने जबर मारहाण केली. यात वसंत चव्हाण हा गंभीर जखमी त्याला. जखमी वसंतची प्रकृती गंभीर असल्याने डॉक्टरांनी त्याला नागपूरला हलविण्याचा सल्ला दिला. त्यामुळे वसंतच्या नातेवाईकांनी त्याला नागपूरसाठी रवाना केले; परंतु रस्त्यातच त्याचा मृत्यू झाला. आरोपींविरुद्ध भादंवि कलम ३0२ नुसार गुन्हा दाखल केला