रविवार पावसाचा!

अकोला जिल्ह्यात सर्वत्र मुसळधार; धरणांच्या पातळीतही वाढ.

अकोला: रविवारचा दिवस पावसाचा ठरला. सकाळी ८ वाजतापासून सुरू झालेल्या मुसळधार पावसाने संपूर्ण जिल्ह्यातील नदी-नाल्यांच्या पातळीत वाढ झाली आहे. रात्री उशिरापर्यंत पावसाचा जोर कायम असल्याने जिल्ह्यातील धरणांमधील जलसाठय़ातही वाढ झाली. काटेपूर्णा धरणाच्या जलग्रहण क्षेत्रात झालेल्या मुसळधार पावसामुळे सोमवारी सकाळपर्यंत धरणाच्या पातळीत आणखी वाढ होण्याची शक्यता आहे. अकोला शहरात रात्री ८.३0 पर्यंत ६८.0८ मि.मी. पावसाची नोंद झाली. यंदाच्या पावसाळ्य़ात १२ तासात पडलेला सर्वाधिक पाऊस आहे. गेल्या २८ ऑगस्टपासून जिल्ह्यात अधून-मधून पाऊस हजेरी लावत आहे. रविवारी सकाळपासूनच ढगाळ वातावरण होते, सकाळी ९.३0 वाजतापासून अकोला जिल्ह्यात सार्वत्रिक दमदार पाऊस सुरू झाला. जिल्ह्यातील अकोला, आकोट, बाळापूर, बाश्रीटाकळी, पातूर, तेल्हारा आणि मूर्तिजापूर या सातही तालुक्यात दमदार पाऊस बरसला. दिवसभर पाऊस सुरू राहिल्याने शहरासह जिल्ह्यातील जनजीवन विस्कळीत होते. आणखी काही दिवस असाच पाऊस सुरू राहिल्यास पिके पिवळी होण्याची शक्यता आहे. बरसलेल्या सार्वत्रिक पावसामुळे जिल्ह्यातील धरणांच्या जलसाठय़ातही काही प्रमाणात वाढ झाली. शहरातील रस्त्यावर तसेच सखल भागात पावसाचे पाणी साचले होते. रात्री ८ वाजता वान धरणाचे सहा दरवाजे उघडण्यात आले. तसेच बाळापूर तालुक्यातील मन प्रकल्पाचे दोन दरवाजे प्रत्येकी चार इंचप्रमाणे उघडण्यात आले

. ** अकोल्यात ६८.0८ मि.मी.पाऊस!

अकोला शहरात रात्री ८.३0 वाजेपर्यंत सुमारे ६८.0८ मि.मी. पावसाची नोंद करण्यात आली आहे. सुरू असलेल्या पावसाच्या पृष्ठभूमीवर रात्री पावसाच्या आकडेवारीत वाढ होण्याची शक्यता आहे.

** पूर्णा नदीकाठच्या गावांना सतर्कतेचा इशारा!

 बरसलेल्या पावसामुळे अमरावती जिल्ह्यातील विसरोळी, शारगड, शहानूर, सपन व इतर प्रकल्पांमधील पाणी रविवारी सायंकाळी सोडण्यात आले. त्यामुळे पूर्णा नदीला पूर येणार असल्याने, जिल्हा प्रशासनामार्फत पूर्णा नदीकाठच्या जिल्ह्यातील गावांना सतर्कतेचा इशारा देण्यात आला. तसेच सर्व उपविभागीय अधिकारी व तहसीलदारांनी दक्ष राहून, आवश्यक त्या उपाययोजना करण्याचे निर्देश देण्यात आले.

धरणांची स्थिती (रविवारी सायंकाळी ५ वाजेपर्यंत)

धरण

काटेपूर्णा 28.62

मोर्णा 44.95

निगरुणा 82.56

उमा 18.90

दगडपारवा 00.00

वान 90.43 रविवारी

सकाळी ८.३0 वाजता संपलेल्या २४ तासांत जिल्ह्यातील सरासरी पाऊस! तालुका मि.मी. अकोला 0२.00 आकोट 00.२५ तेल्हारा 00.0३ बाळापूर 00.0४ मूर्तिजापूर १२.00 बाश्रीटाकळी 00.00 पातूर 00.00 सरासरी पाऊस00.७१