रेल्वे दरोड्यातील शुटर गजाआड

अकोला येथील रेल्वे दरोड्यातील शुटर गजाआड; ४ सप्टेंबरपर्यंंत पोलिस कोठडीत रवानगी.

अकोला: रेल्वेतील दरोड्यासोबतच प्राणघातक हल्ल्यासारख्या गंभीर गुन्हय़ांमध्ये पोलिसांना हव्या असलेला शुटर सतीश प्रकाश गुडधे (१९) याला कोतवाली पोलिसांनी सोमवारी रात्री अटक केली. त्याला मंगळवारी न्यायालयाने ४ सप्टेंबरपर्यंत पोलिस कोठडीत ठेवण्याचे आदेश दिले.
१६ ऑगस्टच्या मध्यरात्री पाच ते सहा दरोडेखोरांनी आदिलाबाद- अकोला रेल्वे पॅसेंजरवर दरोडा घातला होता. दरोडेखोरांनी प्रवाशांकडून २ लाख १0 हजार रुपयांचा ऐवज लुटला होता. या दरोड्यामध्ये सहभागी असलेला शुटर सतीश गुडधे हा फरार होता. त्याला कोतवालीचे एपीआय नंदकिशोर नागलकर आणि त्यांच्या पथकाने सोमवारी रात्री गजाआड केले.