कॉंग्रेस कामगार सेलच्या कामाचा आढावा

जेसीआय अकोटतर्फे ऑनलाईन नोंदणी

अकोटः भारतीय जेसीसची शाखा असलेल्या जेसीआय अकोटच्या वतीने कोरोना प्रतिबंधक लसीकरण ऑनलाइन नोंदणी अभियानाचे उद्घाटन अध्यक्ष नितीन शेगोकार, पवन ठाकूर,उपाध्यक्ष निलेश इंगळे, अजय अडोकार, सचिव सागर बोरोडे यांनी केले. नागरिकांनी सेतू केंद्र कृषी विद्यालयासमोर येथे स्वतःचा मोबाईल व आधार कार्ड घेऊन नोंदणी करावी.

नुकसानग्रस्त शेतकऱ्याला आर्थिक मदत

खानापूर: आस्टुल येथील शेतकरी चिंतामण चवरे यांचा आगीत गहू जळाला होता. त्यांना शिवसेना कार्यकर्ते संदीप गजानन गिऱ्हे यांनी रोख स्वरूपात मदत करून सामाजिक बांधिलकी जोपासली. चवरे यांच्या दोन एक शेतातील गंजीला अज्ञात व्यक्तीने २४ मार्च रोजी आग लागली होती.

माना येथे कोरोना लसीकरण

माना: माना येथे जिल्हा परिषद आयुर्वेद दवाखान्यामध्ये २५ मार्च रोजी कोरोना लसीकरण मोहीम सुरू करण्यात आली. अध्यक्षस्थानी वंदना सतीश मोखडकर होत्या. उद्घाटन रिजवाना परवीन शेख मुख्तार, हारूण डी. राव, सतीश मोखडकर, मुख्तार शेख यांनी केले. कार्यक्रमाला डॉ. विशाल काळे, डॉ. सोहेल कादरी, सारिका माकोडे, संजय काळे, धारपवार, रमेश देशमुख, राजेंद्र भारसाकळे यांनी लसीकरणाचा लाभ घेतला.

फोटो:

माना येथे महासमृद्धी महिला सक्षमीकरण

माना: महासमृद्धी महिला सक्षमीकरण अभियानाअंतर्गत मनरेगा अंतर्गत १०० दिवसांचा रोजगार मिळालेल्या लाभार्थ्यांची दीनदयाल ग्रामीण कौशल्य विकास योजना व कृषी विज्ञान केंद्र आरसिटी अंतर्गतविविध व्यावसायिक कोर्सेस करिता नोंदणी करण्यात आली. नोंदणी करण्याकरिता प्रभारी तालुका व्यवस्थापक निलेश दहातोंडे, प्रभाग समन्वयक इंदुरकर, संगीता माहुरे, सुचिता मेटांगे, कांचन तायडे यांनी प्रयत्न केले.

फोटो: