आईसह मुलाचे प्रेत विहिरीत आढळले!

वाशिम जिल्ह्यातील घटना.

रिसोड (जि. वाशिम): मोठेगाव- मेहकर रस्त्यावरील एका शेतातील विहिरीत २६ वर्षीय मातेसह तिच्या एक वर्षाच्या बालकाचे प्रेत आढळून आले. ही घटना मंगळवारी सायंकाळी ७ वाजेदरम्यान उघडकीस आली. रिसोड तालुक्यातील भरजहाँगीर येथील पुनम गजानन पुरी ही महीला तिच्या मुलगा शुभम याच्यासह भरजहाँगीर येथून बाळखेड येथे माहेरी जात असताना मोठेगाव येथे उतरल्याचे ग्रामस्थांनी पोलीसांना सांगीतले. विहिरीच्या काठावर त्या महिलेचे पर्स आढळल्याने मृतकांची ओळख पटली. पोलिसांनी दोन्ही प्रेत विहिरीतून काढून शवविच्छेदनासाठी ग्रामीण रुग्णालयात पाठविले आहे. सदर महिलेने आत्महत्या केली की घातपात झाला याचा उलगडा शवविच्छेदनानंतर होईल . याप्रकरणी रात्री उशिरापर्यंत पोलीसांत नोंद करण्यात झाली नव्हती. सदर महिला मोठेगाव येथे कशासाठी उतरली याचा शोध पोलीस घेत आहेत.