अकोला महापालिका निवडणुकीत महाविकास आघाडीतील घटक पक्षांची आघाडी होण्यासाठी उद्या शुक्रवारी बैठक होण्याचे संकेत आहेत. काँग्रेसच्या राज्य निवड समितीची बैठक आटोपल्यानंतर आता उद्धवसेना, राष्ट्रवादी काँग्रेस आणि मनसेचे पदाधिकारी एकत्रित बसून जागावाटपाचा निर्णय घेणार आहेत.
काँग्रेसच्या पदाधिकाऱ्यांनी मुंबईत गुरुवारी पक्षाचा आढावा सादर केला. तसेच स्थानिक स्तरावर आघाडीचा निर्णय करण्यासाठी पदाधिकारी आता घटकपक्षांशी चर्चा करणार आहेत. राष्ट्रवादी काँग्रेस (शरद पवार) व उद्धवसेनेच्या पदाधिकाऱ्यांसह सर्वच पक्षांची उद्या शुक्रवारी बैठक बोलावण्यात येत आहे, असे पक्षाचे समन्वयक प्रकाश तायडे यांनी सांगितले.
उद्धवसेनेची तयारी
संभाव्य प्रभाग आणि नगरसेवकांच्या जागांचा आराखडा पक्षाकडे तयार आहे. त्यानुसार ज्यांची विजयाची शक्यता अधिक, स्थानिक समीकरण यासह इतरही निकषांचा विचार करून जागा वाटपाची चर्चा होईल, अशी भूमिका असल्याचे उद्धवसेना पश्चिम शहरप्रमुख आशिष गावंडे यांनी सांगितले.
Web Summary : Akola municipal elections: Maha Vikas Aghadi parties to meet Friday for alliance talks. Congress review complete; seat sharing discussions begin with Shiv Sena (UBT) and NCP. Uddhav Sena prioritizes winnability and local dynamics in seat allocation.
Web Summary : अकोला नगर निगम चुनाव: महा विकास अघाड़ी दल गठबंधन वार्ता के लिए शुक्रवार को मिलेंगे। कांग्रेस की समीक्षा पूरी; शिवसेना (यूबीटी) और एनसीपी के साथ सीट बंटवारे पर चर्चा शुरू। उद्धव सेना सीट आवंटन में जीतने की क्षमता और स्थानीय गतिशीलता को प्राथमिकता देती है।