महागाई विरोधात मजदूर काँग्रेसचा ‘एल्गार’!

अकोला: पेट्रोल, डिझेल, एलपीजी गॅस व तेल इत्यादी जीवनाश्यक वस्तूंची दरवाढ तातडीने नियंत्रित करण्याच्या मागणीसाठी महागाई विरोधात एल्गार पुकारीत राष्ट्रीय मजदूर काँग्रेस (इंटक) अकोला जिल्हा शाखेच्यावतीने शुक्रवार, १६ जुलै रोजी जिल्हाधिकारी कार्यालयासमोर धरणे देण्यात आले. मागण्यांचे निवेदन जिल्हाधिकाऱ्यांमार्फत पंतप्रधानांकडे सादर करण्यात आले.

केंद्रातील भाजपा सरकारच्या मागील सात वर्षांच्या कालावधीत दिवसेंदिवस जीवनाश्यक वस्तूंची दरवाढ होत आहे. पेट्रोल, डिझेल, एलपीजी गॅस व तेल इत्यादी जीवनावश्यक वस्तू सर्वसामान्य नागरिकांच्या आवाक्याबाहेर गेल्या आहेत. या पार्श्वभूमीवर महागाई विरोधात एल्गार पुकारत जीवनावश्यक वस्तूंची दरवाढ तातडीने नियंत्रित करण्याच्या मागणीसाठी राष्ट्रीय मजदूर काँग्रेस (इंटक) अकोला जिल्हा शाखेच्या वतीने जिल्हाधिकारी कार्यालयासमोर धरणे देण्यात आले. मागण्यांचे निवेदन जिल्हाधिकाऱ्यांमार्फत पंतप्रधानांकडे सादर करण्यात आले. या धरणे आंदोलनात काँग्रेसचे प्रदेश उपाध्यक्ष भा.इ.नगराळे, काँग्रेसचे अकोला शहर अध्यक्ष तथा माजी आमदार बबनराव चौधरी, माजी मंत्री अजहर हुसैन, माजी आमदार नातिकोद्दीन खतीब, इंटकचे जिल्हा अध्यक्ष प्रदीपकुमार वखारीया, मनपा विरोधी पक्षनेता साजीदखान पठाण, मदन भरगड, कपिल रावदेव, सतीश भागवत, महेबूब खान, तश्वर पटेल, अनुप खरारे, विलास गोतमारे, शैलेश सूर्यवंशी, सचिन चावरे, संजय राऊत, प्रशांत तिरपुडे, नंदकिशोर वाहने, गंगा अवचार,विमल भोयार, रुख्मा नृपनारायण, सुरेखा अवचार, प्रकाश वंजारी, पवन नागदिवे आदी पदाधिकारी व कार्यकर्ते सहभागी झाले होते.

केंद्र सरकारचा नोंदविला निषेध !

राष्ट्रीय मजदूर काँग्रेस अकोला जिल्हा शाखेच्या वतीने करण्यात आलेल्या धरणे आंदोलनात महागाई व जीवनावश्यक वस्तूंच्या दरवाढ विरोधात केंद्रातील सत्ताधारी सरकारचा निषेध नोंदविण्यात आला.

.................फोटो....................