संघटना वाढवा, निवडणुकीत यश हमखास : गावंडे

अकाेला : राष्ट्रवादी काँग्रेस पार्टीची भूमिका प्रत्येक निवडणुकीमध्ये महत्त्वाची ठरणार असून, येत्या काळात राष्ट्रवादी काँग्रेस पक्ष हा सर्वसामान्यांचा विचार होईल. त्यामुळे संघटना वाढवा, पक्षाला निवडणुकीत हमखास यश मिळेल, असे प्रतिपादन राष्ट्रवादीचे जिल्हाध्यक्ष संग्राम गावंडे यांनी केले.

राष्ट्रवादी काँग्रेस पक्षाची ध्येयधोरणे, संघटनात्मक वाटचाल व पुढील निवडणुकांच्या दृष्टीने राष्ट्रवादी काँग्रेस पार्टीच्या वतीने शहरातील फार्मसी महाविद्यालयात अकोला जिल्हा राष्ट्रवादी काँग्रेस पार्टी फ्रँटल व सेलची आढावा बैठक पार पडली. या वेळी माजी मंत्री गुलाबराव गावंडे, आमदार अमोल मिटकरी, ज्येष्ठ नेते संतोष कोरपे, पक्ष निरीक्षक प्रवीण कुंठे पाटील, जिल्हाध्यक्ष संग्राम गावंडे, माजी आमदार तुकाराम बिरकड, माजी आमदार हरिदास भदे, माजी आमदार बळीराम सिरस्कार, प्रा. विश्वनाथ कांबळे, डॉ. आशा मिरगे, श्रीकांत पिसे पाटील, महिला विभागीय निरीक्षक वर्षाताई निकम, महिला पक्षनिरीक्षक सोनालीताई ठाकूर आदी उपस्थित होते.