विवाहितेच्या छळप्रकरणी पती, सासूविरुद्ध गुन्हा दाखल

माहेरहून पैसे आणण्यासाठी शारीरिक व मानसिक छळ केल्याची विवाहितेची तक्रार.

उरळ (अकोला) : माहेरहून पैसे आणण्यासाठी शारीरिक व मानसिक छळ केल्याच्या विवाहितेच्या फिर्यादीवरून उरळ पोलिसांनी सोमवारी पती व सासूविरुद्ध गुन्हा दाखल केला. गायगाव येथील जया राहुल वानखडे या २९ वर्षीय विवाहित महिलेने उरळ पोलिस ठाण्यात छळप्रकरणी तक्रार दिली. पती राहुल व सासू दुर्गा रघुनाथ वानखडे यांनी माहेरहून पैसे का आणत नाहीस, असे म्हणत १६ ऑक्टोबर रोजी जयाच्या हातावर व मनगटावर कैचीने मारून तिला जखमी केले तसेच शारीरिक व मानसिक छळ केल्याचे तक्रारीत नमूद आहे. उरळ पोलिसांनी राहुल व दुर्गा वानखडे यांच्याविरुद्ध भादंविच्या कलम ४९८ (अ) , ३२४, ५0४,५0६ व ३४ अन्वये गुन्हा दाखल केला आहे. ठाणेदार पी. के. काटकर यांच्या मार्गदर्शनात जमादार डांगे, संजय तायडे, संजय वानखडे हे पुढील तपास करीत आहेत.