अकोला : सरकारच्या राष्ट्रीय वैद्यकीय आयोग (एनएमसी) विधेयकाविरुद्ध इंडियन मेडिकल असोसिएशनच्या (आयएमए) झेंड्याखाली देशभरातील डॉक्टरांनी शनिवार, २८ जुलै रोजी ‘काम बंद’ आंदोलनाची हाक दिली. या आंदोलनात अकोला ‘आयएमए’नेही सहभाग घेतला. जिल्ह्यातील २५० पेक्षाही अधिक डॉक्टरांचे दवाखाने सकाळी ६ ते सायंकाळी ६ या वेळेत बंद राहिले. त्यामुळे रुग्णसेवा प्रभावित झाली होती. अत्यावश्यक सेवा व आंतररुग्ण विभागास यामधून वगळण्यात आले होते.आधुनिक वैद्यकशास्त्राचे प्रतिनिधित्व करणाऱ्या ‘आयएमए’ने या विधेयकाला तीव्र विरोध दर्शविला आहे. खासगी वैद्यकीय महाविद्यालये सुरू करण्यासाठी असलेल्या सर्व अटी हे विधेयक मंजूर झाल्यास रद्द होणार आहेत. महाविद्यालयांचा मनमानी कारभार वाढून बोगस पदवी प्रदान डॉक्टरांची संख्या वाढणार, नियम भंग करणाºया डॉक्टरांना ५ कोटी ते १०० कोटी दंडाची तरतूद असल्यामुळे भ्रष्टाचाराला वाव मिळेल, वैद्यकीय शिक्षण महागडे होऊन त्यावर धनदांडग्यांची मक्तेदारी होईल. सध्याची राज्य वैद्यकीय परिषदांची स्वायत्तता संपुष्टात येईल, विद्यापीठे नावापुरती उरतील. हे विधेयक खासगी व्यवस्थापनाच्या सोयीचे आहे. यामुळे ‘आयएमए’ या विधेयकाला विरोध दर्शवित असल्याचे ‘आयएमए’ने स्पष्ट केले आहे.एकूणच ‘आयएमए’चे सर्व सभासद असलेल्या डॉक्टरांनी एकूण बारा तासांचा लाक्षणिक संप पाळला आहे. संध्याकाळी ६ वाजतापासून पुढे सर्व डॉक्टरांकडून नियमितपणे बाह्यरुग्ण तपासणी सुरू करण्यात आल्याची माहिती ‘आयएमए’ सचिव डॉ. रणजित देशमुख यांनी ‘लोकमत’शी बोलताना दिली.रुग्णालयांमध्ये शुकशुकाटसकाळी ९ वाजतापासून संध्याकाळी ६ वाजेपर्यंत डॉक्टरांनी संप पुकारल्याने बाह्यरुग्ण तपासणी (ओपीडी) बंद राहिली. त्यामुळे रुग्णांचे हाल झाले. डॉक्टरांनी अत्यावश्यक सेवा वगळता सर्व प्रकारच्या रुग्णांची तपासणी बंद ठेवली. यामुळे शहरातील रुग्णालयांमध्ये शुकशुकाट पसरला होता. बाहेरगावाहून शहरात उपचारासाठी आलेल्या रुग्णांना याचा फटका बसला.‘आयएमए’ सभासदांची निषेध सभास्थानिक ‘आयएमए’ हॉलमध्ये दुपारी आयएमए सभासदांची बैठक घेण्यात आली. यावेळी सचिव डॉ.रणजित देशमुख, डॉ.अजयसिंग चौहान, डॉ.नीलेश कोरडे, डॉ. के.के.अग्रवाल, डॉ.आशिष डेहनकर, डॉ. भूषण मापारी, डॉ. रणजित सपकाळ, डॉ.अशोक राजवाडे, डॉ.प्रशांत पोफळकर, डॉ. शिरीष थोरात, डॉ. राजेश काटे, डॉ.शिरीष डेहनकर, डॉ. हरीश अग्रवाल, डॉ. विवेक देशपांडे, डॉ.जुगल चिराणिया, डॉ.ज्योती रेंगे, डॉ. प्रज्योत गर्गे, डॉ. प्रमोद लढ्ढा, डॉ.अविनाश पाटील, डॉ. नितीन उपाध्ये, डॉ.ओ.के.रुहाटिया, डॉ.सुभाष कोरपे, डॉ.सुनंदा केळकर, डॉ.अजय सिंगी, डॉ. बी.सी.विरवाणी आदी उपस्थित होते.अंजनगाव तालुक्यातील रुग्णाला उपचाराविना जावे लागले परत!अकोला : सरकारच्या राष्ट्रीय वैद्यकीय आयोग (एनएमसी) विधेयकास विरोध करण्यासाठी इंडियन मेडिकल असोसिएशन (आयएमए) ने पुकारलेल्या कामबंद आंदोलनाचा भाग म्हणून अकोल्यातील रुग्णालये शनिवारी बंद राहिली. त्याचा फटका सामान्य रुग्णांना बसला. अमरावती जिल्ह्यातील अंजनगाव तालुक्यातील कुंभारगाव येथील एका गंभीर रुग्णाला उपचाराविनाच परत जावे लागल्याचा प्रकार समोर आला.डॉक्टरांच्या कामबंद आंदोलनातून अत्यावश्यक सेवा व आंतररुग्ण विभागास वगळण्यात आले होते. अत्यावश्यक सेवा सुरूच राहणार असल्याचा दावाही ‘आयएमए’कडून करण्यात आला होता. अंजनगाव तालुक्यातील कुंभारगाव येथील बाळकृष्ण गुजर हे गत आठवड्यात डुकराच्या हल्ल्यात जखमी झाले होते. त्यांच्यावर येथील एका खासगी इस्पितळात उपचार करण्यात आले. शनिवारी त्यांची पत्नी व मुलाने त्यांना पुन्हा उपचारासाठी इस्पितळात आणले. परंतु, डॉक्टरांचा संप असल्याचे सांगत इस्पितळातील कर्मचाºयांनी परत जाण्यास सांगितल्याचा आरोप बाळकृष्ण गुजर यांच्या पत्नीने केला. यासंदर्भात, संबंधित डॉक्टरांशी संपर्क साधला असता, असा कोणताही रुग्ण आपल्याकडे आला नसल्याचे त्यांनी सांगितले.