ट्रकच्या धडकेत चिमुकली ठार

लाखनवाडा येथे भरधाव ट्रकने धडक दिल्याने तीन वर्षीय चिमुकलीचा जागीच मृत्यू झाला.

लोकमत न्यूज नेटवर्क
कापशी : येथून जवळच असलेल्या लाखनवाडा येथे भरधाव ट्रकने धडक दिल्याने तीन वर्षीय चिमुकलीचा जागीच मृत्यू झाला. ही घटना १७ जून रोजी सायंकाळी ५ वाजता घडली.
पायल मंगेश चांदलकर ही चिमुकली घराजवळच खेळत होती. यावेळी महामार्गाने येणार्‍या ट्रकने तिला जबर धडक दिली. यामध्ये पायलचा घटनास्थळावरच मृत्यू झाला. या प्रकरणी ट्रक चालकाविरुद्ध गुन्हा दाखल करण्यात आला आहे.