‘युग’च्या हत्येच्या निषेधार्थ ‘कॅँडल मार्च’

‘युग’च्या हत्येच्या निषेधार्थ अकोल्यातील हजारो नागरिकांनी कॅँ डल मार्च काढला.

अकोला - नागपूर येथील प्रसिद्ध दंतचिकित्सकांचा मुलगा युग चांडक याची हत्या केल्याच्या निषेधार्थ तसेच दोषींना फाशी देण्यात यावी, या मागणीसाठी अकोल्यातील हजारो नागरिकांनी कॅँ डल मार्च काढला. या आंदोलनात शेकडो महिला, चिमुकले व हजारो नागरिक सहभागी झाले होते. नागपूर येथील दंत चिकित्सक डॉ. चांडक यांचा मुलगा युग याचे त्यांच्याच हॉस्पिटलमधील कर्मचार्‍यांनी अपहरण करून हत्या केली होती. या घटनेमुळे संपूर्ण विदर्भ हादरला असून, घटनेच्या निषेधार्थ राज्यात ठिकठिकाणी आंदोलन करण्यात येत आहेत. याच घटनेचा निषेध करण्यासाठी अकोल्यातील सामाजिक व शैक्षणिक क्षेत्रात कार्य करणार्‍या नागरिकांनी शिक्षक दिनी कॅँ डल मार्च काढून निषेध केला. शुक्रवारी सायंकाळी ६ वाजून ३0 मिनिटांनी गांधी चौक येथून हा कॅँ डल मार्च काढण्यात आला. गांधी मार्गावरून खुले नाट्यगृह परिसर व त्यानंतर गांधी-जवाहर बागेत या कॅँ डल मार्चचा समारोप करण्यात आला. या आंदोलनाद्वारे युग चांडकची हत्या करणार्‍यांना फाशी देण्यात यावी, अशी मागणी करण्यात आली. आंदोलनात महाराष्ट्र इंडस्ट्रिज असोसिएशनचे अध्यक्ष द्वारका चांडक, राष्ट्रवादीचे ओमप्रकाश सावल, अँड. मोतीसिंह मोहता, डॉ. आर. बी. हेडा, राजेश भारती, पराग कांबळे, दर्शन खंडेलवाल, गोपाल केला, डॉ. राजेश अग्रवाल, अँड. देवेन अग्रवाल, विवेक मंत्री, निकेश गुप्ता, विनीत बियाणी, अविश अटल, अँड. धर्मेंद्र सरनाईक, विष्णू खंडेलवाल, अनिल थानवी, बबलू अग्रवाल, संतोष हेडा, सुनील इन्नानी, अमोल ककरानीया, गोविंद सोढा, निकुंज गढिया, संजय अग्रवाल, मनीष खंडेलवाल, पवन बाहेती, संतोष मनीयार, संदीप जोशी, नरेश राठी, श्याम सुनारीवाल, नीलेश मेहता, संजय खंडेलवाल, गोविंद खंडेलवाल, बसंती खंडेलवाल, सुनील खंडेलवाल, मंजू तूलशान, उषा बाहेती, शोभा जाजू, रेवती जोशी, ज्योती केडीया, मनोज जगवानी, आकाश कवडे, अंशुमन देशमुख, मो इर्शाद आदी सहभागी झाले होते.