अकोला - शहरात भाजपअंतर्गत उमेदवारीवरून वाद उफाळून आला असून, तिकीट न मिळाल्याच्या नाराजीमुळे भाजपच्या इच्छुक महिला उमेदवाराने निवडणूक प्रभारी, माजी महापौर विजय अग्रवाल यांच्या निवासस्थानी गोंधळ घातल्याची घटना मंगळवारी दुपारी घडली.
अकोटफैल परिसरातील अनुसूचित जाती राखीव जागेवर निवडणूक लढविण्यास इच्छुक असलेल्या शकुंतला जाधव या उमेदवारी नाकारल्याने तीव्र नाराज झाल्या. त्यांचा प्रभाग युतीमध्ये राष्ट्रवादी (अजित पवार) कडे गेल्याची माहिती समजताच त्यांचा संताप अधिकच वाढला. उमेदवारी डावलण्यात आल्याचा आरोप करत जाधव यांनी माजी महापौर अग्रवाल यांच्या निवासस्थानी जाऊन समर्थकांसह जोरदार घोषणाबाजी केली. यादरम्यान शकुंतला जाधव भावनिक होऊन अश्रूंनी कोसळल्या. तणावाच्या वातावरणात त्यांची प्रकृती बिघडल्याची माहिती असून, घटनास्थळी काही काळ गोंधळाचे वातावरण निर्माण झाले. परिस्थिती चिघळण्याची शक्यता लक्षात घेता, पोलिसांनी तत्काळ घटनास्थळी धाव घेत अग्रवाल यांच्या निवासस्थानी बंदोबस्त तैनात केला. दरम्यान, या प्रकरणावर भाजपच्या वरिष्ठ नेत्यांकडून अद्याप अधिकृत प्रतिक्रिया देण्यात आलेली नाही.
Web Summary : Denied a BJP ticket in Akola, Shakuntala Jadhav protested at ex-mayor Vijay Agarwal's residence. Supporters joined, chanting slogans after learning her ward went to NCP. Jadhav, emotional and unwell, prompted police intervention. Senior BJP leaders haven't commented.
Web Summary : अकोला में भाजपा का टिकट न मिलने पर शकुंतला जाधव ने पूर्व महापौर विजय अग्रवाल के आवास पर प्रदर्शन किया। समर्थकों ने नारे लगाए क्योंकि उन्हें पता चला कि उनका वार्ड एनसीपी को गया है। जाधव भावुक हो गईं, जिसके बाद पुलिस ने हस्तक्षेप किया। भाजपा नेताओं ने कोई टिप्पणी नहीं की।