राजरत्न सिरसाट
Akola Lok Sabha Results 2024 : अकोला लोकसभा निवडणुकीच्या मतमोजणीला मंगळवारी सकाळी आठ वाजतापासून सुरुवात झाली असून, पहिल्या फेरीत भाजपाचे उमेदवार अनुप धाेत्रे यांनी आघाडी घेतली आहे.यामुळे भाजपाच्या कार्यकर्त्यांचा उत्साह द्विगुणीत झाला असून, पक्ष कार्यालयात जिल्हा नेत्यांची वर्दळ वाढली आहे.
एमआयडीसीतील वखार महामंडळाच्या मतमोजणी केंद्रावर मतमाेजणी सुरू आहे. जिल्ह्यातील पाच विधानसभा मतदारसंघ निहाय मतमोजणीला सुरुवात झाली आहे. अकोल्यात भाजपचे उमेदवार अनुप धोत्रे, महाविकास आघाडीचे उमेदवार डॉ.अभय पाटील आणि वंचित बहुजन आघाडीचे राष्ट्रीय अध्यक्ष ॲड प्रकाश आंबेडकर रिंगणात उभे आहेत. यंदाची लढत अत्यंत अटीतटीची होणार असल्याची शक्यता निकालाच्या आधीपासूनच वर्तविण्यात येत हाेती. पंरतु भाजपाने पहिल्या फेरीत आघाडी घेतली आहे.