ठळक मुद्देबीसीसीआय अंतर्गत १ डिसेंबरपासून रायपुर येथे होणार सामने१६ वर्षाखालील विदर्भ क्रिके ट संघात गणेशची निवड
लोकमत न्यूज नेटवर्कअकोला : अकोला क्रिकेट क्लबचा फिरकीपटू गणेश भोसले याची बीसीसीआय अंतर्गत १ डिसेंबरपासून रायपुर येथे होणार्या सामन्यांकरिता १६ वर्षाखालील विदर्भ क्रिकेट संघात निवड झाली आहे. अत्यंत बिकट परिस्थिती त गणेशने विदर्भ क्रिकेट संघात स्थान मिळविले आहे.गणेशने या सिझनमध्ये झालेल्या सर्व निवड चाचणी व सराव सामन्यात गोलंदाजीत अत्यंत उल्लेखनीय कामगिरी केल्याने त्याची विदर्भ संघात निवड झाली. गणेशने अत्यंत बिकट परिस्थितीतून व घरात कुठलीही खेळाची पार्श्वभूमी नसतानासुद्धा जिद्द, मेहनत व आत्मविश्वास या गुणांमुळे क्रिकेट क्षेत्रात पदार्पण करू न यशस्वी झाला, अशी माहिती अकोला क्रिकेट क्लबचे कर्णधार तथा व्हीसीएचे जिल्हा संयोजक भरत डिक्कर यांनी दिली.