निघोज : पारनेर तालुक्यातील निघोज येथील विविध कार्यकारी सेवा सोसायटी कार्यक्षेत्रातील शेतकऱ्यांची कुकडी पाटबंधारे प्रकल्पाची शेतीसाठी व पिण्याच्या पाण्यासाठी आकारण्यात येणारी पाणीपट्टी सेवा संस्थेमार्फत भरावी, अशी मागणी सभासद, शेतकऱ्यांनी केली आहे. शेतकरी व ग्रामस्थांना आर्थिक मदत करण्यासाठी सेवा सोसायटीची १५ दिवसात विशेष सभा बोलवावी. त्यामध्ये शेतकऱ्यांच्या पाणी मागणीनुसार आपल्या कार्यक्षेत्रातील संपूर्ण पाणीपट्टी कायमस्वरूपी भरण्याचा ठराव मंजुरीसाठी सर्व सभासदांसमोर मांडावा व मंजूर करून घ्यावा, अशी मागणी करण्यात आली. सोसायटी अध्यक्ष बाळासाहेब लामखडे व सचिव आर.के. भोसले यांना निवेदन देण्यात आले. यावेळी माजी सरपंच ठकाराम लंके, माजी अध्यक्ष अंकुश लोखंडे, ग्रामपंचायत सदस्य शंकर गुंड, सेवा सोसायटीचे सदस्य सुनील वराळ आदी उपस्थित होते.
----
३० निघोज