तरुणांनी एकत्र येत बुजविले रस्त्यावरील खड्डे

देवदैठण : श्रीगोंदा तालुक्यातील देवदैठण मेखणी मार्गे राजापूर या रस्त्यावर मोठमोठे खड्डे पडून दुरवस्था झाली आहे. त्यामुळे मेखणी वस्तीवरील तरुणांनी एकत्र येत श्रमदानातून मुरूमाने खड्डे बुजविले.

देवदैठण मेखणीमार्गे राजापूर या मार्गावर मोठ्या प्रमाणात अवजड वाहतूक सातत्याने सुरू असते. कॉलनीपासून मेखणी वस्तीच्या दरम्यान अनेक ठिकाणी रस्ता खचून मोठमोठे खड्डे पडले होते. देवदैठणच्या मेखणी वस्तीवरील तरुणांनी एकत्र येऊन खड्डे बुजविण्याचा विचार मांडला व तत्काळ त्याची अंमलबजावणी केली.

वैजनाथ वाघमारे, संतोष जयसिंग वाघमारे, रोहिदास वाघमारे, महेंद्र बबन वाघमारे, संतोष तान्हाजी वाघमारे, प्रशांत वाघमारे या टॅक्टर मालकांनी स्वतःचे ट्रॅक्टर घेऊन दोन किमी अंतरातील खड्ड्यात विनामोबदला मुरूम टाकला. तसेच माजी उपसरपंच विश्वास गुंजाळ, ग्रामपंचायत सदस्य अमोल वाघमारे, डॉ. भाऊसाहेब जाधव, मच्छिंद्र गुंजाळ, मेजर मच्छिंद्र वाघमारे, शिवाजी वाघमारे, तुषार वाघमारे, सचिन लोखंडे, प्रतिराज मेडिकलचे प्रतीक वाघमारे यांनी काही रक्कम जमा करून मुरूम भरण्यासाठी लावलेल्या जेसीबीसाठी ती रक्कम खर्च केली. त्यामुळे या रस्त्याने प्रवास करणे सुलभ होणार आहे. तरुण एकत्र आल्याने मोठे सामाजिक कार्य पार पडू शकते याचे ते उत्तम उदाहरण आहे.

----

लोखंडे, बनकर यांनी बुजविले खड्डे

देवदैठण-पाडळी रस्त्यावर साकळाई मळा परिसरात पावसाने पडलेल्या मोठमोठ्या खड्ड्यातून मार्ग काढणे अवघड झाले होते. अनेक वाहनांचे यामुळे नुकसान झाले होते. त्यामुळे उद्योजक अतुल लोखंडे व गणेश बनकर यांनी स्वखर्चातून साकळाई मळ्याजवळील खड्डे मुरमाने बुजविले आहेत.

-----

२३ देवदैठण

देवदैठण येथील तरुणांनी एकत्र येऊन कॉलनी ते मेखणी रस्त्यावर पडलेले मोठमोठे खड्डे मुरुमाने बुजविले. (छायाचित्र - संदीप घावटे)

230721\img_20210723_142447.jpg

देवदैठण येथील मेखणीतील तरुणांनी एकत्र येत राजापूर रस्त्यावरील खड्डे मुरमाने बुजवले . ( छायाचित्र संदीप घावटे )