- योगेश गुंड लोकमत न्यूज नेटवर्ककेडगाव (अहमदनगर) : भातोडी (ता. नगर) येथील शेतकऱ्याला अवघ्या दीड महिन्यात टोमॅटोने ४० लाखांचे उत्पन्न मिळवून दिले आहे. गेल्या दहा वर्षांपासून भाव मिळो अथवा न मिळो निष्ठेने ते कुटुंबीय टोमॅटोची शेती फुलवितात. यंदा त्यांच्या कष्टाचे चीज झाले. त्यांना किलोला सरासरी ८० ते १०० रुपये भाव मिळाला.विशेष म्हणजे टोमॅटोसाठी लागवड, खत, औषध फवारणी, तारेचे कुंपण असा एकूण दोन ते अडीच लाखांचा खर्च आल्याचे त्यांनी सांगितले.
एक रुपया किलो भावानेही विकलेnभातोडी येथील बबन धलपे या शेतकऱ्याकडे ८ एकर शेती आहे. त्यापैकी दीड एकरावर त्यांनी एप्रिलमध्ये टोमॅटोची लागवड केली. उन्हाळ्यात टोमॅटोचे दर एक रुपया किलोपर्यंत घसरले होते. nधलपे यांना जुलैपासून टोमॅटो मिळण्यास सुरुवात झाली तेव्हा ८० रुपये भाव मिळाला. शंभर रुपये भाव मिळू लागला. त्यानंतर भावाने उसळी मारून शंभरी पार केली. nमुंबई-पुण्यात तर हे दर दोनशेच्या घरात गेले होते. दीड महिन्यातच त्यांना जवळपास ४० लाख रुपयांचे उत्पन्न मिळाले.
दहा वर्षांपासून आम्ही टोमॅटोची लागवड करतो. दराची चिंता न करता टोमॅटोच्या शेतीत प्रामाणिक काबाडकष्ट करीत राहिलो. यंदा उच्चांकी भाव मिळाला. - बबन धलपे, शेतकरी, भातोडी, ता. नगर.