मुळाचे पिण्यासाठीचे आवर्तन ५ एप्रिलपासून

मुळा उजव्या कालव्याचे पिण्यासाठीचे आवर्तन येत्या ५ एप्रिलपासून सुटणार आहे. त्यासाठी राहुरी, नेवासे, शेवगाव तालुक्यातील तलावांची संख्या, आवश्यक पाणी व अन्य विषयांची माहिती गोळा करण्याचे काम सुरू असल्याची माहिती मुळा पाटबंधारे विभागाचे कार्यकारी अभियंता रावसाहेब मोरे यांनी दिली

अहमदनगर : मुळा उजव्या कालव्याचे पिण्यासाठीचे आवर्तन येत्या ५ एप्रिलपासून सुटणार आहे. त्यासाठी राहुरी, नेवासे, शेवगाव तालुक्यातील तलावांची संख्या, आवश्यक पाणी व अन्य विषयांची माहिती गोळा करण्याचे काम सुरू असल्याची माहिती मुळा पाटबंधारे विभागाचे कार्यकारी अभियंता रावसाहेब मोरे यांनी दिली. या चार तालुक्यांतील गावांची तहान भागविण्याच्या दृष्टीने येथील जलस्त्रोत भरुन घेण्यात येणार आहेत. त्यासाठीचे नियोजन सुरू आहे. या अनुषंगिक माहिती प्राप्त झाल्यानंतर परिपूर्ण प्रस्तावास मान्यता घेतली जाणार आहे. त्यासाठीचे नियोजन जवळपास पूर्ण झाले असून ५ एप्रिलपासून आवर्तन सोडण्यात येणार असल्याचे त्यांनी सांगितले.