पूनम बेलेकरचा कर्जतमध्ये सन्मान

कर्जत : येथील दादा पाटील महाविद्यालयातील स्पर्धा परीक्षा मार्गदर्शन केंद्राची विद्यार्थिनी पूनम शिवाजी बेलेकर हिची केंद्र सरकार अंतर्गत कर्मचारी भविष्य निधी संगठन विभागात सामाजिक सुरक्षा सहायक-वर्ग-दोनपदी निवड झाली. याबद्दल तिचा महाविद्यालय विकास समितीचे अध्यक्ष आणि रयत शिक्षण संस्थेच्या मॅनेजिंग कौन्सिलचे सदस्य राजेंद्र फाळके, प्राचार्य डॉ. बाळ कांबळे यांच्या हस्ते सन्मान करण्यात आला. यावेळी पूनमचे वडील शिवाजी बेलेकर व महाविद्यालयातील सेवक उपस्थित होते.

दादा पाटील महाविद्यालयाने सुरू केलेल्या स्पर्धा परीक्षा मार्गदर्शन वर्गामध्ये प्रवेश घेतल्यामुळे स्पर्धा परीक्षेची मला ओळख झाली. स्पर्धा परीक्षा केंद्रातील उत्कृष्ट मार्गदर्शन, ग्रंथालय, अभ्यासिका, आयोजित केलेल्या विविध विषयांवरील अभ्यासपूर्ण व्याख्याने यांचा यश मिळवण्यात फायदा झाल्याचे पूनमने सांगितले.

----

२५ कर्जत सन्मान