हनुमान टाकळी सेवा संस्थेची ऑनलाईन सभा

तिसगाव : श्री क्षेत्र हनुमान टाकळी (ता. पाथर्डी) येथील सेवा सहकारी संस्थेची ५१ वी वार्षिक सभा अध्यक्ष अशोक काजळे यांच्या अध्यक्षतेखाली गुरुवारी ऑनलाईन पद्धतीने पार पडली.

संस्था चालवत असलेल्या धान्य दुकानाला दीड लाख रूपये, खत दुकानाला पावणेतीन लाख तर संस्थेलाही एकूण चौदा लाखांचा नफा झाला आहे. यावर्षी सभासदांना पंधरा टक्के उच्चांकी लाभांश वितरित करण्यात येणार आहे, असे खरेदी-विक्री संघाचे संचालक सुभाषराव बर्डे यांनी सांगितले. सचिव बाळासाहेब ताठे यांनी ताळेबंद अहवाल वाचन केले. शिवाजी मुळे यांनी उपस्थितांचे आभार मानले.

वृद्धेश्वरचे संचालक कुशीनाथ बर्डे, उपाध्यक्ष संजय डमाळ, संचालक बाबासाहेब बर्डे, डॉ. कुशीनाथ बर्डे, संभाजी दगड्खैर, दूध संस्थेचे अध्यक्ष संजय बर्डे, बलभीम दळवी आदींसह युवा शेतकरी, सभासद सभेत सहभाग झाले होते.