कोरोनाबाधितांची संख्या एक लाख पार

अहमदनगर : जिल्ह्यात शनिवारी तब्बल १९९६ जणांचा कोरोना चाचणी अहवाल पॉझिटिव्ह आला. एकाच दिवसात दोन हजारांच्या जवळपास रुग्ण पाॉझिटिव्ह येण्याचा हा एक विक्रमच झाला आहे. यामुळे एकूण बाधित रुग्णांच्या आकडेवारीने एक लाखांचा टप्पा पार केला आहे. उपचार घेणाऱ्या रुग्णांची संख्याही प्रथमच नऊ हजारांच्या पुढे गेल्याने चिंता वाढली आहे.

जिल्ह्यात शनिवारी १२२८ रुग्णांना रुग्णालयातून घरी सोडण्यात आले. बरे झालेल्या रुग्णांची एकूण संख्या ८९ हजार ७०१ इतकी झाली आहे. रुग्ण बरे होण्याचे प्रमाण ८९.६७ टक्के इतके आहे. जिल्ह्याच्या रुग्णसंख्येत १९९६ ने वाढ झाल्याने उपचार सुरू असणाऱ्या रुग्णांची संख्या ९०९८ इतकी झाली आहे. सक्रिय रुग्णसंख्येत प्रथमच एवढी वाढ झाल्याने जिल्ह्यात कोरोनाने चिंता वाढवली आहे.

जिल्हा रुग्णालयाच्या कोरोना टेस्ट लॅबमध्ये ८२३, खासगी प्रयोगशाळेत केलेल्या तपासणीत ९०२ आणि अँटिजेन चाचणीत २७१ रुग्ण बाधित आढळले.

जिल्हा रुग्णालयाच्या कोरोना टेस्ट लॅबमध्ये बाधित आढळून आलेल्या रुग्णांमध्ये नगर शहर २१२, अकोले ३, जामखेड ७५, कर्जत १६, कोपरगाव ३५, नगर ग्रामीण २६, नेवासा १०, पारनेर ४९, पाथर्डी ८५, राहता ५३, राहुरी ६, संगमनेर ९७, शेवगाव ३९, श्रीगोंदा २६, श्रीरामपूर ५४, कॅंटोन्मेंट बोर्ड ३०, मिलिटरी हॉस्पिटल ५ आणि इतर जिल्हा ३ अशा रुग्णांचा समावेश आहे.

खासगी प्रयोगशाळेत केलेल्या तपासणीत बाधित आढळून आलेल्या रुग्णांमध्ये नगर शहर २२८, अकोले ४, जामखेड १२, कर्जत ८, कोपरगाव १४८, नगर ग्रामीण ५८, नेवासा १९, पारनेर ५, पाथर्डी २८, राहाता १३४, राहुरी ३८, संगमनेर ५७, शेवगाव १४, श्रीगोंदा १९, श्रीरामपूर १११, कॅंटोन्मेंट बोर्ड १, इतर जिल्हा १६ आणि इतर राज्य २ अशा रुग्णांचा समावेश आहे.

अँटिजेन चाचणीत आज २७१ जण बाधित आढळून आले. मनपा ३६, अकोले २१, जामखेड ०७, कर्जत ०१, कोपरगाव १९, नगर ग्रामीण ०९, नेवासा २८, पारनेर ११, पाथर्डी २८, राहाता ८, राहुरी ३५, शेवगाव १६, श्रीगोंदा २४ आणि श्रीरामपूर २८ अशा रुग्णांचा समावेश आहे.

कोरोनाने २४ तासांत पाचजणांचा मृत्यू झाला. त्यामुळे एकूण कोरोना बळींची संख्या १२३८ इतकी झाली आहे. बरे होण्याचे प्रमाणही घटले असून, ते ९१ टक्क्यांवर आले आहे. कोरोनाच्या चाचण्यांची संख्या वाढली असून, जिल्हा रुग्णालयासह खासगी रुग्णालयांमध्येही चाचण्यांसाठी गर्दी वाढली आहे.

------------------------

बरे झालेली रुग्णसंख्या : ८९७०१

उपचार सुरू असलेले रुग्ण : ९०९८

मृत्यू : १२३८

एकूण रुग्णसंख्या : १,००,०३७