कुख्यात दरोडेखोर जेरबंद

या दोघा आरोपींसह त्यांच्या साथीदारांनी ४ ऑगस्ट रोजी शिर्डी येथे आशिष अनिल गोंदकर यांच्या घरी दरोडा टाकून मारहाण करत, तब्बल १२ लाख २० हजार रुपयांचा मुद्देमल चोरून नेला होता. याबाबत शिर्डी पोलीस ठाण्यात गुन्हा दाखल झाला होता. गुन्ह्याचा समांतर तपास करत असताना, गुन्हे शाखेच्या पथकाने या दोघांना पाठलाग करून अटक केली. अटक आरोपी व त्यांच्या साथीदारांविरोधात नगर जिल्ह्यासह महाराष्ट्रातील विविध पोलीस ठाण्यात दरोड्यासह गंभीर स्वरूपाचे गुन्हे दाखल आहेत. जिल्हा पोलीस अधीक्षक मनोज पाटील, अपर पोलीस अधीक्षक दीपाली काळे, उपअधीक्षक संजय सातव यांच्या मार्गदर्शनाखाली गुन्हे शाखेचे निरीक्षक अनिल कटके, सहायक निरीक्षक सोमनाथ दिवटे, गणेश इंगळे, हेड कॉन्स्टेबल सुनील चव्हाण, मनोहर गोसावी, पोलीस नाईक शंकर चौधरी, संदीप दरंदले, प्रकाश वाघ, मयूर गायकवाड, सागर ससाणे, जालिंदर गायकवाड आदींच्या पथकाने ही कारवाई केली.

फोटो ०५ आरोपी

ओळी- दोघा कुख्यात दरोडेखोरांना स्थानिक गुन्हे शाखेच्या पथकाने नेवासा तालुक्यातील गोंडेगाव येथून अटक केली.