नेवासा जिल्हा परिषद गट, गणाच्या फेररचनेला वेग

नेवासा : नेवासा नगरपंचायतीची अधिसूचना जारी झाल्यामुळे आगामी जिल्हा परिषद पंचायत समितीच्या निवडणुकीसाठी गट व गणाची फेररचना करण्यात वेग आला आहे. नेवासा जिल्हा परिषद गट तर भेंडा गटासाठी मुकिंदपूर गणाची निर्मिती प्राथमिक स्वरूपात तयार करण्यात आली आहे.
नेवासा तालुक्यात जिल्हा परिषदचे सात गट तर पंचायत समितीचे चौदा गण होते. नेवासा ग्रामपंचायतीचे रूपांतर नगरपंचायतीमध्ये झाल्याने नेवासा गट व गण हे बरखास्त होवून त्याऐवजी भानसहिवरा गट व गण तयार झाला असून भेंडा बु।। गटात नव्याने मुकिंदपूर गण निर्माण करण्यात आला आहे.
नव्याने प्रस्तावित असलेल्या गट व गणाची फेररचना करताना चांदा गटात चांदा गण-चांदा, लोहारवाडी, राजेगांव, शिंगवेतुकाई, फत्तेपूर, वांजोळी, कौठा व मांडेगव्हाण या गावांचा समावेश असणार आहे.तर देडगाव गण- देडगाव, तेलकुडगांव, पाचुंदा, माका, महालक्ष्मी हिवरा, देवसडे या भागाचा समावेश असेल. सोनई गटात, सोनईगण सोनई व शिंगणापूर हे दोन गावे समाविष्ट आहेत तर घोडेगाव गण - घोडेगाव, झापवाडी, मोरेचिंचोरे, लोहगांव, पानसवाडी, धनगरवाडी, वंजारवाडी ही गावे आहेत. खरवंडी गटात - खरवंडीगण - खरवंडी, हिंगोणी, कांगोणी, वडाळाबहिरोबा, बऱ्हाणपूर, रास्तापूर, म्हाळस पिंपळगाव तर करजगाव गण - करजगांव, गणेशवाडी, लांडेवाडी, बेल्हेकरवाडी, पानेगांव, तामसवाडी, शिरेगाव, अंमळनेर, खेडले परमानंद, वाटापूर या गावाचा समावेश आहे.
भानसहिवरा गट - भानसहिवरा गण - भानसहिवरा, माळी चिचोंरा, उस्थळ दुमाला, नविन चांदगाव, नारायणवाडी, हंडी निमगांव, सुरेशनगर, निपानी निमगांव ही गावे आहेत तर पाचेगाव गण - पाचेगाव, पुनतगाव, नेवासा बु।।, गोमळवाडी, चिचबन, खुपटी, लेकुरवाळी आखाडा, जायगुडे आखाडा, गोणेगांव, निंभारी या गावाचा समावेश असेल. भेंडा बुद्रुक गट - यात भेंडा बुद्रुक गण - भेंडा बुद्रुक, भेंडा खुर्द, सौंदाळा, देवगांव, नजिक चिंचोली, शहापूर, दिघी ही गावे आहेत तर मुकिंदपूर गण - मुकिंदपूर, बाभूळखेडा, नागापूर, मक्तापूर, पिचडगांव, गोंडेगाव म्हसले, खुणेगांव, रांजणगांव, कारेगांव, खडका हे समाविष्ट करण्यात आले आहेत. कुकाणा गट - कुकाणागण कुकाणा, अंतरवाली, वडुले, चिलेखनवाडी, जेऊर, तरवडी, नांदुरशिकारी, सुलतानपूर, सुकळी खुर्द / बुद्रुक तर
शिरसगांव गण - शिरसगांव, गोपाळपूर, खामगांव, रामहोड, वाकडी, पिंप्रीशहाली, गेवराई, पाथरवाला, वरखेड या गावांचा समावेश असणार आहे. बेलपिंपळगांव गटात बेलपिंपळगांव गण - बेलपिंपळगांव, घोगरगांव, जैनपुर, बेलपांढरी, सुरेगांव गंगा, गोधेगाव, उस्थळखालसा, भालगांव, मुरमे, बकुपिंपळगांव, बहिरवाडी, तर सलाबतपूर गण - सलाबतपूर, जळके खुर्द, जळके बुद्रुक, गळनिंब, गिडेगाव, टोका, गोगलगांव, मंगळापूर, खेडले काजळी, प्रवरासंगम, माळेवाडी, म्हाळापूर गावाचा समावेश असणार आहे.
(तालुका प्रतिनिधी)