कळसुबाई हरिश्चंद्रगड अभयारण्याच्या जंगलात आग

भंडारदरा परिसरातील मुरशेत हद्दीत भंडारदरा घाटघर रोडच्या बाजूने सुकलेल्या गवताला कोणीतरी आग लावली. सुकलेल्या गवतामुळे आगीने रौद्ररूप धारण केले. स्थानिक रहिवाशांनी वन विभागाला कळविले. वन विभागाचे कर्मचारी आग आटोक्यात आणण्यासाठी आले. तसेच स्थानिक तरुणही वन विभागाच्या मदतीला धावून आले. परंतु रात्रीची वेळ असल्याने आग आटोक्यात आणण्यात अडचणी आल्या. पण वन विभागाच्या कर्मचाऱ्यांनी व स्थानिक तरुणांनी अथक मेहनत घेत आगीवर नियंत्रण मिळविले. आग आटोक्यात आणण्यासाठी वनरक्षक गीते, कामगार दत्तू सदगीर, एकनाथ उघडे, कैलास गंभीरे, युवराज उभे, सुरेश उघडे, मंगेश सोनवणे, रितेश सोनवणे व इतर तरुण आग आटोक्यात आणण्यासाठी मदतीला धावून आले.

आग कोणी लावू नये. आग आटोक्यात आणण्यास सहकार्य करावे. यामुळे प्रदुषण होणार नाही. तसेच वन्य जीवांच्या जीवाला कोणताही धोका होणार नाही. याची सर्वांनी काळजी घ्यावी, असे आवाहन भंडारदरा वन विभागाच्यावतीनेवतीने करण्यात आले आहे.

१६ कळसुबाई आग