कोरोनासाठी जिल्हा मराठा शिक्षण संस्था मुख्यमंत्री निधीसाठी ५० लाख देणार

कोरोनाच्या संकटाचा मुकाबला करण्यासाठी नगर जिल्ह्यातील जिल्हा मराठा विद्या प्रसारक शिक्षण संस्थेने मुख्यमंत्री निधीसाठी ५० लाख रुपये निधी देण्याचा निर्णय घेतला आहे. संस्थेचे अध्यक्ष माजी आमदार नंदकुमार झावरे व सचिव जी. डी. खानदेशे यांनी मंगळवारी ‘लोकमत’ला ही माहिती दिली.

अहमदनगर : कोरोनाच्या संकटाचा मुकाबला करण्यासाठी नगर जिल्ह्यातील जिल्हा मराठा विद्या प्रसारक शिक्षण संस्थेने मुख्यमंत्री निधीसाठी ५० लाख रुपये निधी देण्याचा निर्णय घेतला आहे. संस्थेचे अध्यक्ष माजी आमदार नंदकुमार झावरे व सचिव जी. डी. खानदेशे यांनी मंगळवारी ‘लोकमत’ला ही माहिती दिली.संस्थेचे विश्वस्त, कार्यकारिणी, पदाधिकारी, शिक्षक व शिक्षकेतर कर्मचारी हे सर्व मिळून हा निधी देणार आहेत. कोरोनाचे संकट हे मोठे आहे. यात सर्वसामान्य व कष्टकरी माणसांवरही संकट आले आहे. अशावेळी सर्वांनी सरकारच्या पाठिशी उभे राहणे व सर्वसामान्य माणसांना दिलासा देणे आवश्यक आहे. या बांधिलकीतूनच संस्थेच्या पदाधिका-यांनी व कर्मचाºयांनी मिळून आपला सहयोग देण्याचा निर्णय घेतला असल्याचे झावरे यांनी सांगितले.