कोपरगावात कोविड केअर, हेल्थ सेंटर पुन्हा सुरू

कोपरगाव : तालुक्यातील कोरोना संसर्ग बाधित रुग्णांसाठी कोविड केअर सेंटर आणि कोविड हेल्थ केअर सेंटर कार्यान्वित केली, असल्याची माहिती तहसीलदार योगेश चंद्रे यांनी दिली आहे.

ग्रामीण रुग्णालय येथे कोविड हेल्थ उपचार, बाळंतपण आणि शस्त्रक्रिया याची स्वतंत्र दालने तयार करण्यात आली आहे. या करिता स्वतंत्र प्रवेशद्वार असणार आहे. तशा आशयाचे फलक तेथे लावण्यात आले आहे. ग्रामीण रुग्णालयात कोविड हेल्थ केअर सेंटर २० खाटांचे उपचार केंद्र कार्यान्वित करण्यात आले आहे. तसेच अत्यावश्यक विभाग स्वतंत्रपणे तयार करण्यात आला आहे. ग्रामीण रुग्णालयाचे आवारात औषध भांडार ईमारतीत कोरोना संसर्ग चाचणी दैनंदिन सकाळी ९ ते १२ या वेळेत होत आहे. तसेच तालुक्यातील नोंदणी झालेल्या ६० वर्षांपुढील व दुर्धर आजार असणारे ४५ वर्षांपुढील नागरिकांना सकाळी ९ ते दुपारी ५ या वेळेत ग्रामीण रुग्णालय येथे देण्यात येणार आहे. ४५ वयोगटापुढील ईतर आजार असलेल्या नागरिकांनी लसीकरणाची नोंदणी केली असल्यास निर्धारित केंद्रावर दिलेल्या तारखेला जातांना वैद्यकीय प्रमाणपत्र व सुरू असलेल्या उपचाराची कागदपत्रे सोबत घेऊन जावी, असे आवाहन प्रशासनाच्यावतीने करण्यात आले आहे.