घरफोडी करून रोख रक्कम सोन्याचे दागिने चोरले

........

दुकान फोडून पैसे चोरले

अहमदनगर : पाथर्डी येथील मार्केट यार्ड येथे चोरट्यांनी अडत दुकान फोडून रोख २३ हजार २०० रुपये चोरून नेले. दिनांक १८ ते १९ मार्च दरम्यान ही घटना घडली. याप्रकरणी पाथर्डी पोलीस ठाण्यात संतोष मोतीलाल गुगळे यांनी दिलेल्या फिर्यादीवरून चोरट्याविरुद्ध गुन्हा दाखल करण्यात आला आहे. याप्रकरणी सहाय्यक फौजदार गोल्हार पुढील तपास करत आहेत.

..........

घरफोडी करून चोरी

अहमदनगर : कर्जत तालुक्यातील माहिजळगाव येथे चोरट्यांनी घरफोडी करून सोन्याचे दागिने व रोख रक्कम असा एकूण ५५ हजार रुपयांचा ऐवज चोरून नेला. १८ मार्च रोजी ही घटना घडली. याप्रकरणी कर्जत पोलीस ठाण्यात राजेंद्र कुंडलिक गायकवाड यांनी दिलेल्या फिर्यादीवरून चोरट्याविरुद्ध गुन्हा दाखल करण्यात आला आहे. याप्रकरणी पोलीस हेडकॉन्स्टेबल हंचे पुढील तपास करत आहेत.

............

सोन्याचे दागिने चोरले

अहमदनगर : जामखेड तालुक्यातील नान्नज येथे चोरट्यांनी बंद घर फोडून ३९ हजार रुपयांचे सोन्याचे दागिने चोरून नेले. १९ मार्च रोजी ही घटना घडली. याप्रकरणी राजाराम लहू मोहोळकर यांनी जामखेड पोलीस ठाण्यात दिलेल्या फिर्यादीवरुन चोरट्याविरोधात गुन्हा दाखल करण्यात आला आहे. याप्रकरणी पोलीस नाईक लोखंडे पुढील तपास करत आहेत.

.........

दुचाकी चोरली

अहमदनगर : एमआयडीसी येथून चोरट्यांनी दुचाकी चोरली. १७ मार्च रोजी ही घटना घडली. याप्रकरणी एमआयडीसी पोलीस ठाण्यात इरफान अब्दुल रऊफ खान यांनी दिलेल्या फिर्यादीवरून अज्ञाताविरोधात गुन्हा दाखल करण्यात आला आहे. याप्रकरणी सहाय्यक फौजदार महाजन पुढील तपास करत आहेत.