साईनगरी शिर्डीत बुधवारी दुपारी जीवघेणा हल्ला झाल्याची धक्कादायक घटना घडली. इन्स्टाग्रामवरील मैत्रीच्या वादातून हा प्रकार घडला असून, या घटनेने परिसरात खळबळ उडाली आहे. नीरज संजू चौधरी (वय १७, रा. श्रीकृष्णनगर), असे जखमी तरुणाचे नाव आहे.
नीरज चौधरी हा बुधवारी दुपारी आपल्या तीन मैत्रिणींना घेऊन दुचाकीवरून २०० रूम परिसरातील गार्डन शेजारच्या रस्त्याने जात होता. यावेळी दोन दुचाकींवरून आलेल्या सुमित गुंजाळ, रोहित कोळगे आणि त्यांच्या दोन अनोळखी साथीदारांनी नीरजची गाडी अडविली.
नीरजला लाथाबुक्क्यांनी मारहाण केली. त्यानंतर सुमित गुंजाळ याने आपल्याजवळील चॉपर काढून नीरजच्या कमरेवर आणि किडनीवर ताकदीने वार केले. बेदम मारहाण केल्यानंतर रक्ताच्या थारोळ्यात पडलेल्या नीरजला सोडून आरोपींनी घटना स्थळावरून पलायन केले.
घटनेनंतर जखमी नीरजला तातडीने साईबाबा संस्थानच्या सुपर स्पेशालिटी रुग्णालयात दाखल करण्यात आले. मात्र, प्रकृती चिंताजनक असल्याने प्राथमिक उपचार करून त्यास पुढील उपचारासाठी नाशिक येथे हलविण्यात आले आहे.
इन्स्टाग्रामवरील मैत्री ठरली कारणीभूत
मिळालेल्या माहितीनुसार, जखमी नीरज आणि आरोपी यांची संगमनेर येथील तीन मुलींशी इन्स्टाग्रामवरून मैत्री झाली होती. याच ओळखीच्या वादातून १५ दिवसांपूर्वीही आरोपींनी नीरजला धमकी दिली होती. पोलिसांनी आरोपींच्या शोधासाठी पथके रवाना केली असून, पोलिसांनी तपास सुरू केला आहे.
Web Summary : A 17-year-old was brutally attacked in Shirdi over an Instagram friendship dispute. The victim, Neeraj Choudhary, was assaulted with a chopper by a group of men. He is critically injured and has been moved to Nashik for further treatment. Police are investigating the incident.
Web Summary : शिरडी में इंस्टाग्राम दोस्ती के विवाद में एक 17 वर्षीय किशोर पर जानलेवा हमला हुआ। नीरज चौधरी नामक युवक पर चाक़ू से हमला किया गया, जिससे वह गंभीर रूप से घायल हो गया। उसे नासिक में इलाज के लिए भेजा गया है। पुलिस मामले की जांच कर रही है।