जिल्ह्यात ४५६ नव्या बाधितांची भर

अहमदनगर : जिल्ह्यात गुरुवारी ४५६ नव्या कोरोनाबाधित रुग्णांची नोंद झाली. त्यामुळे सक्रिय रुग्णांची संख्या २ हजार ९१२ इतकी झाली आहे. जिल्ह्यात एकाच दिवसात दोन बाधितांचा मृत्यू झाल्याची माहिती जिल्हा आरोग्य यंत्रणेने दिली.

जिल्ह्यात गुरुवारी ५०९ रुग्णांना रुग्णालयातून घरी सोडण्यात आले. आता बरे झालेल्या रुग्णांची एकूण संख्या ७८ हजार ४३४ इतकी झाली आहे. रुग्ण बरे होण्याचे जिल्ह्यातील प्रमाण हे आता ९५.०४ टक्के इतके झाले आहे. गुरुवारी जिल्हा रुग्णालयाच्या कोरोना टेस्ट लॅब मध्ये १६७, खाजगी प्रयोगशाळेत केलेल्या तपासणीत २२६ आणि अँटिजेन चाचणीत ६३ रुग्ण बाधित आढळले. त्यामध्ये नगर शहर (६३), अकोले (५), जामखेड (६), कर्जत (११), कोपरगाव (७४), नगर ग्रामीण (१९), नेवासा (१७), पारनेर (२५), राहाता (४९), राहुरी (१५), शेवगाव (१३), श्रीगोंदा (१५), श्रीरामपूर (५३), कॅन्टोन्मेंट (१), पाथर्डी (१२), संगमनेर (१५), इतर जिल्हा (२) अशा रुग्णांचा समावेश आहे.

--------

बरे झालेली रुग्ण संख्या : ७८४३४

उपचार सुरू असलेले रूग्ण : २९१२

मृत्यू : ११८४

एकूण रूग्ण संख्या : ८२५३०

--------