पदवीधरसाठी ७३ हजार मतदार

अहमदनगर : नाशिक पदवीधर मतदारसंघाच्या निवडणुकीसाठी पदवीधारकांनी अखेरच्या दिवशी शनिवारी धडाकेबाज नोंदणी केली़

त्यामुळे जिल्ह्यातील मतदारांची संख्या वाढवून ७३ हजार झाली असून, नाशिक विभागातील मतदार नोंदणीने २ लाखांचा टप्पा पार केला आहे़
नाशिक पदवीधर मतदारसंघ निवडणुकीसाठी नव्याने मतदार नोंदणी मोहीम राबविण्यात आली़ मतदार नोंदणीसाठी शनिवारी अखेरचा दिवस होता़ शुक्रवारपर्यंत जिल्ह्यात ५० हजार मतदार नोंदणी झाली़ अखेरच्या दिवशी जिल्हाभरातून २२ हजार ९१४ पदवीधरांनी मतदार नोंदणीसाठी अर्ज दाखल केले़ शेवटच्या टप्प्यात जिल्ह्यात विक्रमी नोंदणी झाल्याने जिल्ह्यातील पदवीधर मतदारांची संख्या ७२ हजार ९२० झाली आहे़ सर्वाधिक संगमनेर तालुक्यात १७ हजार मतदार नोंदणी झाली़ माजी मंत्री बाळासाहेब थोरात यांचा संगमनेर तालुका मतदार नोंदणीत सुरुवातीपासूनच आघाडीवर होता़ या तालुक्यात शेवटच्या टप्प्यात दीड हजार मतदारांनी नोंदणी केली़ जिल्ह्याचे पालकमंत्री तथा ग्रामविकासमंत्री राम शिंदे यांचा जामखेड तालुका पदवीधर मतदार नोंदणीत पिछाडीवर आहे़ जामखेड तालुक्यात १ हजार ६९२ मतदारांची नोंदणी झाली़ मागील सार्वत्रिक निवडणुकीत ८९ हजार मतदार होते़ या मतदारांचा प्रशासनाने शोध घेतला होता़ जुन्या मतदारयादीतील ३७ हजार मतदारांचाच शोध लागला़ उर्वरित मतदार सापडले नाहीत़ त्यामुळे निवडणूक आयोगाने ऐनवेळी मतदार नोंदणी करण्याचे निर्देश दिले़ सुरुवातीला मतदार नोंदणीला प्रतिसाद मिळाला नाही़ त्यामुळे प्रशासनाचीही चिंता वाढली होती़ मात्र अखेरच्या टप्प्यात मतदार नोंदणीचा आलेख वाढत गेला़ प्रशासकीय यंत्रणा, इच्छुक उमेदवार आणि राजकीय पक्षांच्या मोहिमेमुळे मतदारांनी कागदपत्रांची पूर्तता करत नोंदणी केली़ नाशिक, नंदूरबार, जवळगाव आणि धुळे जिल्ह्यातही मतदार नोंदणीला प्रतिसाद मिळाला असून, अपेक्षेप्रमाणे मतदार नोंदणी झाली आहे़ प्राप्त झालेल्या अर्जांची छाननी करून प्रारूप मतदारयादी येत्या २४ नोव्हेंबर रोजी प्रसिध्द होणार आहे़ ही मतदार यादी पदवीधर मतदारसंघाच्या निवडणूकीसाठी ग्राह्य धरली जाणार असल्याने वाढलेली मतदार नोंदणी कुणाच्या पथ्थ्यावर पडणार, या चर्चेला उधाण आहे़
नाशिक विभागातील नगरसह नंदुरबार, जळगाव, नाशिक, धुळे जिल्ह्यांत शेवटच्या टप्प्यात मोठ्या प्रमाणात नोंदणी झाली आहे़ जिल्हानिहाय मतदार नोंदणी पुढीलप्रमाणे-
४नगर- ७२ हजार ९२०, नाशिक-७८ हजार ५, नंदुरबार-१५ हजार ४७, जळगाव-३२ हजार १५३, धुळे- २४ हजार ४४७.
अकोले- ५ हजार ३८७, संगमनेर-१७ हजार ५८८, राहाता-६ हजार ३९७, कोपरगाव-५ हजार ५६२, श्रीरामपूर-२ हजार ३९९, राहुरी-४ हजार २०१, नेवासा-५ हजार २४४, नगर-६ हजार २५७, शेवगाव-२ हजार ७८५, पाथर्डी-३ हजार ५१३, श्रीगोंदा-३ हजार ८०५, पारनेर-३ हजार ८३३, कर्जत-३ हजार २२३, जामखेड- १ हजार ६९२, जिल्हा निवडणूक शाखा- १ हजार ३४ .