अहमदनगर जिल्ह्यात ग्रामपंचायतींच्या होणाऱ्या सार्वत्रिक निवडणुकांपैकी सर्वाधिक ९४ ग्रामपंचायती या संगमनेर तालुक्यात आहेत. यातील चार ग्रामपंचायती बिनविराेध झाल्या असून ९० ग्रामपंचायतींच्या निवडणुका होत आहेत. कोरोनाच्या पार्श्वभूमीवर मतदानप्रक्रियेत सहभागी होणाऱ्या प्रत्येक कर्मचाऱ्याची प्रशासनाकडून विशेष काळजी घेण्यात आली आहे. निवडणूक प्रकियेत १ हजार ८०० कर्मचारी असून, प्रत्येकाला पाच फेस शिल्ड, तीन मास्क, दोन हॅण्ड ग्लोज देण्यात आले आहे. प्रत्येक मतदान केंद्रावर १ मतदान केंद्राध्यक्ष, ३ मतदान अ्रधिकारी, एक शिपाई, एक सुरक्षा कर्मचारी असेल. ३३ पथके राखीव ठेवण्यात आली आहे. १ लाख ६५ हजार ९११ मतदारांपैकी ७९ हजार ४४९ महिला, ८६ हजार ४६१ पुरुष, तर एक इतर असे एकूण १ लाख ६५ हजार ९११ मतदार आहेत.
........
कर्मचाऱ्यांच्या आरोग्याच्या दुष्टीने आदेश
तालुक्यातील सर्वच प्राथमिक आरोग्य केंद्रांतील वैद्यकीय अधिकारी, कर्मचारी यांनी मतदानाच्या दिवशी सकाळी ६पासून ते मतदानप्रक्रिया पूर्ण होईपर्यंत प्राथमिक आरोग्य केंद्रातच थांबायचे आहे. तसा आदेश तहसीलदार निकम यांनी काढला आहे. मतदान केंद्रावर कार्यरत असलेल्या कर्मचाऱ्यांच्या आरोग्याच्या दुष्टीने हा आदेश काढण्यात आला आहे.