बोअरवेल मशिन वाहनाचा अपघात; १० जण जखमी

कामरगाव (वाशिम) : वाहनावरील ताबा सुटल्याने बोअरवेल मशिन वाहून नेणाºया वाहनाचा अपघात झाल्याची घटना कामरगावपासून जवळच असलेल्या टाकळी फाट्याजवळ १६ सप्टेंबरला सकाळी ११ वाजता घडली.

लोकमत न्यूज नेटवर्क
कामरगाव (वाशिम) : वाहनावरील ताबा सुटल्याने बोअरवेल मशिन वाहून नेणाºया वाहनाचा अपघात झाल्याची घटना कामरगावपासून जवळच असलेल्या टाकळी फाट्याजवळ १६ सप्टेंबरला सकाळी ११ वाजता घडली.
के.ए. ०१ एम.एम. ९७६७ क्रमांकाच्या ट्रकमधून बोअरवेल मशिन कारंजावरून अमरावतीकडे जात असताना, टाकळी फाट्यानजीक चालकाचे नियंत्रण सुटल्याने वाहन उलटले. यामध्ये लोखंडी पाईपवर बसलेले १० मजूर जखमी झाले. त्यांना कामरगाव येथील ग्रामीण रुग्णालयात प्रथमोपचार करुन अमरावती येथे पुढील उपचारार्थ हलविण्यात आले. त्यापैकी ३ जणांची प्रकृती गंभीर असल्याची माहिती. जखमींमध्ये सोनु गाषी (१८), तेजन रेयान (१५), दीपक शुक्ला (२२), नंदशी सरगत (२०), विजय प्रजापती (१५), ललीत (२२), सिकंदर (१८) व ३ अनोळखी इसमांचा समावेश आहे. अपघातग्रस्त ट्रक कर्नाटक या राज्यातील असल्यामुळे पोलिसांना जखमींची पूर्ण नावे व गावे कळु शकली नाहीत. पुढील तपास सहायक पोलीस निरीक्षक सोनाली गुल्हाणे यांचे मार्गदर्शनाखाली पोलीस उपनिरीक्षक राहुल गुहे, जमादार राठोड, शामल ठाकुर, आसिफ खान करीत आहेत.