सावधान : तुमच्या बेडरूम मध्ये कोणीतरी डोकावतय !!!

आपल्यापैकी अनेकांना बेडरूम मध्ये लॅपटॉप वर काम करायची सवय असते. रात्री उशिरापर्यंत हि मंडळी आपले काम करत असतात . नंतर काम संपले कि लॅपटॉप आहे त्या स्थितीत बेडरूम मधील एखाद्या टेबल वर तसाच ठेऊन देतात आणि याच वेळी हजारो किलोमीटर दूर बसून तुमच्यावर लक्ष ठेवणाऱ्या हॅकर्स चे फावते आणि तुमच्या बेडरूम मधील त्या क्षणाचे शूटिंग तुमच्याच लॅपटॉपच्या वेबकॅमच्या माध्यमातून ही मंडळी करतात आणि त्याचा गैरवापर करतात . असे अनेक प्रकार जगभरात उघडकीस आले आहेत.

ठळक मुद्देवेबकॅम हॅकर्स सध्या सगळीकडे धुमाकूळ घालत आहेत. हे लोक हजारो किलोमीटर अंतरावरुन तुमच्या लॅपटॉप किंवा डेस्कटॉपचा वेबकॅम चालू-बंद करू शकतात. एवढेच नव्हे तर त्या वेबकॅमच्या हद्दीतील सगळी रेकॉर्डिंगही करू शकतात . हॅकर्स मॅलवेअरच्या माध्यमातून तुमच्या कॉम्प्युटर/लॅपटॉपमध्ये प्रवेश करतात. तुमच्या कॉम्प्युटर/लॅपटॉपचे नियमित मॅलवेअर स्कॅनिंग करणं उत्तम. लॅपटॉप वेबकॅमला काम नसेल तेव्हा स्टीकर लावून झाकून ठेवणं उत्तम. वेबकॅमचा वापर करायचा तेव्हाच वेबकॅमचं स्टीकर काढायचं आणि काम झाले की परत स्टीकर लावून झाकून ठेवायचं.

आपल्यापैकी अनेकांना बेडरूम मध्ये लॅपटॉप वर काम करायची सवय असते. रात्री उशिरापर्यंत हि मंडळी आपले काम करत असतात . नंतर काम संपले कि लॅपटॉप आहे त्या स्थितीत बेडरूम मधील एखाद्या टेबल वर तसाच ठेऊन देतात आणि याच वेळी हजारो किलोमीटर दूर बसून तुमच्यावर लक्ष ठेवणाऱ्या हॅकर्स चे फावते आणि तुमच्या बेडरूम मधील त्या क्षणाचे शूटिंग तुमच्याच लॅपटॉपच्या वेबकॅमच्या माध्यमातून ही मंडळी करतात आणि त्याचा गैरवापर करतात . असे अनेक प्रकार जगभरात उघडकीस आले आहेत.

आपण ऑनलाईन सिक्युरिटी च्या बाबतीत अनेक गप्पा मारत असतो की मी अमुक काळजी घेतो तमुक काळजी घेतो . पण असं काही नाही तुमच्यावर अनेकांचा ऑनलाइन ‘वॉच’ असतो. तुमचे लोकेशन तर जवळपास सगळ्याच वेबसाइटवाल्यांकडे असते. विविध स्पायवेअर्सच्या माध्यमातून तुम्ही तुमच्या कॉम्प्युटर किंवा लॅपटॉपवर काय काम करता यावर हॅकर्स लक्ष ठेवून असतात. आणि महत्त्वाचं म्हणजे काही हजारो किलोमीटर अंतरावर बसून  हॅकर्स तुमच्या कॉम्प्युटर किंवा लॅपटॉपचा वेबकॅमही चालू बंद करू शकतात.हे सगळे ज्या प्रकारात घडते त्याला वेबकॅम हॅकिंग असे म्हणतात.

वेबकॅम हॅकर्स म्हणजे काय?

वेबकॅम हॅकर्स सध्या सगळीकडे धुमाकूळ घालत आहेत. हे लोक हजारो किलोमीटर अंतरावरुन तुमच्या लॅपटॉप  किंवा डेस्कटॉपचा वेबकॅम चालू-बंद करू शकतात. एवढेच नव्हे तर त्या वेबकॅमच्या हद्दीतील सगळी रेकॉर्डिंगही करू शकतात . म्हणजे तुमचा लॅपटॉप तुमच्या बेडरूममध्ये टेबलावर पडलेला असेल आणि तो जर ओपन असेल आणि सुरु असेल तर तुमच्या बेडरूममधील सर्व हालचालीवर हे वेबकॅम हॅकर्स हजारो किलोमीटरवरून लक्ष ठेवू शकतात. असे काही भयंकर प्रकार डेस्कटॉप कॉम्प्युटरच्या वेबकॅमच्या बाबतीतही लक्षात आले आहेत.

हे वेबकॅम हॅकिंग करतात कसं?

वेबकॅम हॅकर्स हे नक्की करतात कसं ? आपल्यापैकी अनेकांनी फ्री सॉफ्टवेअर्स , गाणी, गेम्स असं काहीबाही डाउनलोड करायची भारी हौस असते. मात्र हे फ्री मिळणारे सॉफ्टवेअर्स आणि गाण्यांसोबत हे हॅकर्स मॅलवेअर प्रोग्राम्स देखील जोडून ठेवतात. म्हणजे तुम्ही जेव्हा एखादं फ्री सॉफ्टवेअर किंवा गाणं डाउनलोड करता तेव्हा हे मॅलवेअर प्रोग्राम्सदेखील त्या सोबत तुमच्या कॉम्प्युटर/लॅपटॉपवर डाउनलोड होऊन कार्यरत होतात. मॅलवेअर प्रोग्राम्स हा असा सॉफ्टवेअर प्रोग्राम असतो जो तुमच्या कॉम्प्युटर/लॅपटॉप विषयीची सगळी माहिती जसे की आयपी अँड्रेस, हार्डवेअर डिटेल्स, ऑपरेटिंग सिस्टीम डिटेल्स आदिंबद्दल सर्व माहिती आपल्या मालकाकडे (हॅकर्सकडे) पाठविण्याचे काम इमानेइतबारे करत असतो. याच माहितीच्या आधारे वेबकॅम हॅकर्स तुमचा वेबकॅम हॅक करू शकतात.

वेबकॅम हॅकिंग कसे टाळाल ?

१) वेबकॅमचे फर्मवेअर अपडेट करा 

चांगल्या ब्रॅँडचा वेबकॅमला कंट्रोल करण्यासाठी स्वत:चे फर्मवेअर असते. ते फर्मवेअर वेबकॅम कंपन्याकडून वेळोवेळी अपडेट केले जाते . असे फर्मवेअर अपडेट उपलब्ध झाल्यास ते त्वरित अपडेट करावे म्हणजे वेबकॅममध्ये काही ‘बग’ असल्यास वेबकॅम कंपन्या नवीन फर्मवेअरच्या माध्यमातून तो बग काढण्याचा प्रयत्न करतात.

२) रूटीन मॅलवेअर स्कॅन :

हॅकर्स मॅलवेअरच्या माध्यमातून तुमच्या कॉम्प्युटर/लॅपटॉपमध्ये प्रवेश करतात. तुमच्या कॉम्प्युटर/लॅपटॉपचे नियमित मॅलवेअर स्कॅनिंग करणं उत्तम. त्यासाठी अनेक मॅलवेअर रिमूव्हल प्रोग्राम्स उपलब्ध आहेत.शिवाय तुमच्या लॅपटॉप वरील अँटीव्हायरस नेहमी अपडेट असले पाहिजे . 

३) वेबकॅम स्टीकर  :

शेवटचा आणि महत्वाचा मार्ग म्हणजे लॅपटॉप वेबकॅमला काम नसेल तेव्हा स्टीकर लावून झाकून ठेवणं उत्तम. वेबकॅमचा वापर करायचा तेव्हाच वेबकॅमचं स्टीकर काढायचं आणि काम झाले की परत स्टीकर लावून झाकून ठेवायचं. कॉम्प्युटर असेल तर त्याचा वेबकॅम काम नसेल तेव्हा बाजुला काढून ठेवणंही सोयीचं ठरावं.