भारीच! आता आवडत्या अभिनेता,क्रिकेटरला WhatsAppवर फॉलो करता येणार, Channels फिचर असं वापरा
By ऑनलाइन लोकमत | Published: September 15, 2023 05:21 PM2023-09-15T17:21:04+5:302023-09-15T17:22:12+5:30
WhatsApp ने आता एक नवीन फिचर अपडेट केलं आहे. यात तुम्ही तुमच्या आवडत्या अभिनेत्याला फॉलो करु शकता.
भारीच! आता आवडत्या अभिनेता,क्रिकेटरला WhatsAppवर फॉलो करता येणार, Channels फिचर असं वापरा
Next इन्स्टंट मेसेजिंग प्लॅटफॉर्म WhatsApp नेहमी आपल्या वापरकर्त्यांसाठी नवीन फिचर अपडेट करत असते. आता व्हॉट्स अॅपने आणखी एक फिचर लाँच केले आहे, यात फीचर चॅनल्स लाँच केले आहे. कंपनीच्या चॅनल्स फीचरद्वारे लोकांना अनेक महत्त्वाचे अपडेट्स देता येतील. या फिचरसह ब्रॉडकास्टिंग सेवा तयार करण्याचे कंपनीचे उद्दिष्ट आहे. आता या फीचरचा वापर कसा केला जाईल आणि त्याद्वारे काय करता येईल हे जाणून घेऊया.
नव्या iPhone 15 Pro मॉडेलसोबत ISRO चे कनेक्शन! तुम्हालाही जाणून अभिमान वाटेल
चॅनेलचे फिचर हे एडमीनसाठी मजकूर, फोटो, व्हिडीओ, स्टिकर्स आणि मतदान पाठवण्यासाठी एक-मार्गी प्रसारक साधन आहे. चॅनेल फिचर अॅपच्या नवीन टॅबमध्ये पाहिले जाऊ शकते. येथे तुम्हाला तुमच्या कुटुंब, मित्र आणि ग्रुप चॅट्सपासून वेगळे, तुम्ही फॉलो करत असलेली स्थिती आणि चॅनेल सापडतील. म्हणजेच तुम्ही तुमच्या आवडत्या सेलिब्रिटी किंवा क्रिकेटरचे अपडेट्स मिळवू शकाल.
भारतात हे फीचर लॉन्च केल्याची घोषणा केल्यानंतर लगेचच बीसीसीआयनेही व्हॉट्सअॅप चॅनल जॉईन केल्याचे कंपनीने सांगितले आहे. भारतीय क्रिकेट बोर्डाने 'इंडियन क्रिकेट टीम' नावाचे व्हॉट्सअॅप चॅनल तयार केले आहे. भारतीय क्रिकेट संघाचे सर्व नवीन अपडेट्स येथून घेतले जाऊ शकतात.
व्हॉट्सअॅप चॅनेलवर असं फॉलो करा
अगोदर, WhatsApp चे नवीन अपडेट करा. यानंतर तुम्हाला तुमच्या स्मार्टफोनमध्ये अॅप ओपन करावे लागेल.
यानंतर, तुम्हाला चॅट टॅबच्या समान एक नवीन अपडेट टॅब दिसेल जो चॅनेलचा असेल. त्यावर टॅप करा. आता तुम्ही तुमच्या मित्रांच्या स्टेटस अपडेट्सच्या खाली चॅनल्सचा पर्याय पाहू शकाल.
यानंतर Find Channels या पर्यायावर टॅप करा. येथे तुम्हाला भारतीय क्रिकेट संघ किंवा तुमची आवडती सेलिब्रिटी शोधावी लागेल.
यानंतर, तुम्ही शोधलेले व्हॉट्सअॅप चॅनेल दिसतील, आता फॉलो बटणावर टॅप करा.
यानंतर तुम्हाला नवीन अपडेट मिळण्यास सुरुवात होईल.