Video - स्मार्ट डॉग! ...अचानक आग लागली अन् श्वासाने असा वाचवला कुटुंबीयांचा जीव

एका श्वानाने आग लागलेली असताना कुटुंबीयांचा जीव वाचवलेला आहे. य़ा घटनेचं सीसीटीव्ही फुटेज आता समोर आलं आहे.

श्वानाबद्दलच्या अनेक घटना समोर येत असतात. अशीच एक घटना समोर आली आहे. घरातील पाळीव श्वानाचा असाच एक व्हिडीओ व्हायरल झाला आहे जो आश्चर्यकारक आहे. यामध्ये एका श्वानाने आग लागलेली असताना कुटुंबीयांचा जीव वाचवलेला आहे. य़ा घटनेचं सीसीटीव्ही फुटेज आता समोर आलं आहे. यामध्ये घराबाहेर एक श्वान बसलेला दिसत आहे. 

जवळच उभ्या असलेल्या इलेक्ट्रिक स्कूटरला जोडलेल्या एक्स्टेंशन बोर्डमध्ये याच दरम्यान शॉर्टसर्किट होऊन आग लागली. ही आग हळूहळू इलेक्ट्रिक स्कूटर जवळ जाऊ लागते. त्यानंतर श्वान धावत येतो आणि एक्स्टेंशन बोर्ड खेचतो आणि कसा तरी एक्स्टेंशन बोर्ड इलेक्ट्रिक स्कूटरपासून वेगळा करतो. यानंतर तो परत येतो आणि बसतो. सोशल मीडियावर हा व्हिडीओ जोरदार व्हायरल होत आहे. 

Such a smart dog.. pic.twitter.com/flaNNrsW69

— Buitengebieden (@buitengebieden) February 14, 2024

श्वानाच्या हुशारीमुळे संपूर्ण आगीपासून वाचतं. व्हिडीओ टाईम स्टॅम्पनुसार, ही घटना 6 फेब्रुवारी रोजी घडली आहे आणि त्यानंतर तो व्हिडीओ ट्विटरवर शेअर करण्यात आला. ट्विटरवर व्हि़डीओ शेअर करताना स्मार्ट डॉग असं कॅप्शन दिलं आहे. या घटनेनंतर सर्वजण श्वानाच्या शौर्याचं आणि बुद्धिमत्तेचं कौतुक करत आहेत. आतापर्यंत 10 लाखांहून अधिक लोकांनी हा व्हिडीओ पाहिला आहे.