VIDEO: रिक्षावाल्याच्या 'ब्रेक डान्स'ची फॅन झाली 'पब्लिक', बोले तो...एकदम देसी जॅक्सन!

सोशल मीडियात सध्या एका रिक्षाचालकाच्या डान्सचा हटके व्हिडिओ चर्चेचा विषय ठरत आहे. ज्याच्या ब्रेक डान्सपाहून नेटिझन्स जाम मजा घेत आहेत. शेअर करत आहेत, लाइक आणि कमेंट्सचा पाऊस पाडत आहेत. काहींनी या रिक्षावाल्याचा ब्रेक डान्सपाहून त्याला चक्क 'देसी जॅक्सन'ची उपमा देऊन टाकली आहे. व्हिडिओ इतका शेअर करा की तो व्हायरल झाला पाहिजे असंही काही नेटिझन्सनी आवाहन केलं आहे. 

व्हायरल व्हिडिओमध्ये एक रिक्षावाला रस्त्याच्या कडेला जबरदस्त ब्रेक डान्स करताना पाहायला मिळतोय. दिवंगत पॉप स्टार मायकल जॅक्सनच्या 'डेंजरस' गाण्यावर रिक्षावाला थिरकताना दिसतोय. म्हणजे रिक्षावाल्याचं थिरकणं आणि मायकल जॅक्सनचं गाणं अशी गट्टी चांगलीच जमलीय. रिक्षावाल्याच्या चेहऱ्यावरचा आनंद खूप काही सांगून जाणारा आहे. त्याच्या डान्सचं एकजण कौतुक करतानाही पाहायला मिळतोय. त्याच्यासारखं थिरकण्याचाही एक जण प्रयत्न करतोय. संबंधित व्हिडिओ तामीळनाडूतील असल्याचं सांगितलं जात आहे. 

View this post on Instagram

A post shared by Harish Nani (@harish7029)

२२ नोव्हेंबर रोजी हरीश नावाच्या एका यूझरनं हा व्हिडिओ शेअर केला आहे. जो सोशल मीडिया आणि यूट्बूयवरही तुफान व्हायरल झाला आहे. व्हिडिओला ९ लाखाहून अधिक लाइक्स आणि कमेंट्सचा नुसता पाऊस पडला आहे. कुणी रिक्षावाल्याला देसी जॅक्सन म्हटलंय तर कुणी रियल स्ट्रीट डान्सर अशी उपमा दिली आहे.