अतिक्रमण विभागातील कर्मचारी हिम्मत वाघेला यांचे निलंबन 

पनवेल महानगर पालिकेत ड प्रभागात अतिक्रमण विभागात कार्यरत असलेल्या हिम्मत वाघेला या कर्मचाऱ्याचे आयुक्त गणेश देशमुख यांनी गुरुवारी निलंबन केले.

पनवेल : पनवेल महानगर पालिकेत ड प्रभागात अतिक्रमण विभागात कार्यरत असलेल्या हिम्मत वाघेला या कर्मचाऱ्याचे आयुक्त गणेश देशमुख यांनी गुरुवारी निलंबन केले. बेजबाबदार वागणूक व भ्रष्टाचाराला खतपाणी घालणारी कृती केल्यामुळे हे निलंबन करण्यात आले आहे.

हिम्मत वाघेला हे कारवाईच्या धाडी टाकण्यापूर्वी संबंधित फेरीवाल्यांना माहिती देत असत, तक्रारी प्राप्त होऊन देखील अनधिकृत बॅनर न हटविणे आदींसह अधिकार नसताना दुसऱ्या प्रभागात जाऊन अतिक्रमण केलेल्या वस्तू नोंद न करता घेऊन अशा प्रकारचा ठपका वाघेला यांच्यावर ठेवून त्यांचे निलंबन करण्यात आले आहे.