VIDEO: विरुष्काच्या रिसेप्शनला नरेंद्र मोदी पोहोचतात तरुणी ओरडली लव्ह यू; पहा काय होती मोदींची प्रतिक्रिया 

नवविवाहित विराट कोहली आणि अनुष्का शर्माचा दिल्लीतील रिसेप्शन सोहळा मोठ्या थाटामाटात गुरुवारी पार पडला. दिल्लीमधील हॉटेल ताजमध्ये पार पडलेल्या रिसेप्शन सोहळ्यासाठी अनेक सेलिब्रेटी उपस्थित होते. यावेळी पंतप्रधान नरेंद्र मोदींनीदेखील हजेरी लावत भावी आयुष्यासाठी दोघांना शुभेच्छा दिल्या.

ठळक मुद्देवविवाहित विराट कोहली आणि अनुष्का शर्माचा दिल्लीतील रिसेप्शन सोहळा मोठ्या थाटामाटात पार पडलारिसेप्शन सोहळ्यासाठी अनेक सेलिब्रेटी उपस्थित होतेपंतप्रधान नरेंद्र मोदींनीदेखील हजेरी लावत भावी आयुष्यासाठी दोघांना शुभेच्छा दिल्या

नवी दिल्ली - नवविवाहित विराट कोहली आणि अनुष्का शर्माचा दिल्लीतील रिसेप्शन सोहळा मोठ्या थाटामाटात गुरुवारी पार पडला. दिल्लीमधील हॉटेल ताजमध्ये पार पडलेल्या रिसेप्शन सोहळ्यासाठी अनेक सेलिब्रेटी उपस्थित होते. यावेळी पंतप्रधान नरेंद्र मोदींनीदेखील हजेरी लावत भावी आयुष्यासाठी दोघांना शुभेच्छा दिल्या. रिसेप्शनच्या एक दिवस आधी विरुष्काने नरेंद्र मोदींना रिसेप्शनसाठी आमंत्रण दिलं होतं. नरेंद्र मोदी रात्री 9 वाजण्याच्या सुमारास पोहोचले आणि गुलाब देत नवदांपत्याला शुभेच्छा दिल्या. नरेंद्र मोदींनी दोघांसोबत फोटोही काढला. नरेंद्र मोदी विराट आणि अनुष्कासोबत स्टेजवर उभं राहून फोटो काढत असताना अनेकजण आपल्या मोबाइल फोनमध्ये फोटो आणि व्हिडीओ काढण्यात व्यस्त होते. यावेळी अचानक एक तरुणी वी लव्ह यू म्हणून ओरडली.  

नेमकं झालं असं की, विराट आणि अनुष्काला भेट आणि आशिर्वाद दिल्यानंतर पंतप्रधान नरेंद्र मोदी त्यांच्यासोबत फोटो काढण्यासाठी उभे राहिले. त्याचवेळी खाली उभ्या असलेल्या पाहुण्यांपैकी एका तरुणी ओरडली - सर वी लव्ह यू. तरुणीचा आवाज ऐकल्यानंतर मोदांनीही हसून हात हलवत प्रतिक्रिया दिली. हा व्हिडीओ कॅमे-यात कैद झाला असून सोशल मीडियावर व्हायरल होत आहे.

विराट हा मुळचा दिल्लीचा असल्यामुळे त्याच्या या सोहळ्यात मित्रमंडळींनी मोठ्याप्रमाणात हजेरी लावली होती. तसेच, विराट आणि अनुष्काच्या कुटुंबातले सर्व नातेवाईकही हजर होते. या रिसेप्शन सोहळ्यादरम्यान विराट आणि अनुष्काने पारंपरिक पोशाख केला होता. विराटने ब्लॅक शेरवानी घातली होती, तर अनुष्काने लाल रंगाची जरीकाम केलेली साडी परिधान केली होती. 

विराट कोहली आणि अनुष्का शर्मा 11 डिसेंबरला विवाहबंधनात अडकले. इटलीमधील टस्कनी इथल्या बोर्गो फिनोखिएतो या रिसॉर्टमध्ये विरुष्काचा विवाहसोहळा पार पडला. आता विराट आणि अनुष्काच्या विवाहानिमित्त दुसरा रिसेप्शन सोहळा 26 डिसेंबरला मुंबईत संपन्न होणार आहे. मुंबईत होणाऱ्या या रिसेप्शनला बॉलिवूड व क्रीडा विश्वातील अनेक दिग्गज हजर राहण्याची शक्यता आहे. हा सोहळा मुंबईतील अॅस्टर बॉलरुम, सेट रेगिस, लोअर परेल येथे ग्रॅण्ड रिसेप्शन होईल. या रिसेप्शनच्या निमंत्रण पत्रिका सध्या सोशल मीडियावर व्हायरल होत आहेत. या रिसेप्शन सोहळ्याच्या निमंत्रण पत्रिकांची थीम पर्यावरणाशी निगडीत आहेत.