उन्नाव सामूहिक बलात्कार प्रकरण : 260 दिवसानंतर गुन्हा दाखल, अद्याप अटक नाही

कुलदीपसिंग सेनगर सध्या आरोपी आहेत. त्यांना अटक करण्यासंदर्भात निर्णय सीबीआय घेईल.

लखनऊ : उन्नावमधील सामूहिक बलात्कार प्रकरणावरून सध्या उत्तरप्रदेशात तनावाचे वातावरण परसले आहे. मुख्यमंत्री आदित्यनाथ योगी सरकारला याप्रकरणामुळे प्रचंड टीकेला सामोरे जावे लागत आहे. दरम्यान, या प्रकरणातील आरोपी भाजपा आमदार कुलदीपसिंग सेनगर यांच्याविरोधात पोलिसांनी 260 दिवसांनी गुन्हा दाखल केला आहे. त्यांच्याविरोधात भादंवि कलम 363, 366, 376 आणि 506 तसेच पॉस्को कायद्यांतर्गत गुन्हा दाखल करण्यात आला आहे. त्यामुळे आता कुलदीपसिंग सेनगर यांच्या अडचणी वाढण्याची शक्यता आहे.  

कुलदीपसिंग सेनगर यांच्याविरोधात पोलिसांनी गुन्हा दाखल केल्यानंतर आता योगी सरकारने याप्रकरणाची सीबीआयमार्फत चौकशी करण्याचा निर्णय घेतला आहे.  याआधी काल एसआयटी चौकशी करण्यात आली, यावेळी पोलीस, प्रशासन आणि रुग्णालयाकडून निष्काळजी करण्यात आल्याचे उघडकीस आले. दरम्यान, याप्रकरणी उत्तरप्रदेशचे पोलीस आयुक्त ओपी सिंह यांनी सांगितले की, कुलदीपसिंग सेनगर सध्या आरोपी आहेत. त्यांना अटक करण्यासंदर्भात निर्णय सीबीआय घेईल.

Nobody is defending him(#KuldeepSinghSengar), all we are saying is that we have to hear both sides. Now case has been given to CBI, they will decide on arrest: OP Singh,UP DGP  #UnnaoCasepic.twitter.com/8vBYvJdn4x

— ANI UP (@ANINewsUP) April 12, 2018

नेमके काय आहे प्रकरण?  
भाजपा आमदार कुलदीपसिंग सेनगर व त्यांच्या साथीदारांनी बलात्कार केल्याचा आरोप युवतीने केला आहे. युवती व तिच्या कुटुंबीयांनी रविवारी (8 एप्रिल) मुख्यमंत्र्यांच्या घरासमोर केलेला आत्मदहनाचा प्रयत्न सुरक्षारक्षकांनी हाणून पाडला होता. या वेळी युवतीच्या वडिलांना पोलिसांनी अटक केली होती. मात्र त्यांना पोलीस कोठडीत रविवारी रात्री अत्यवस्थ वाटू लागले. परंतु उनाव जिल्हा रुग्णालयात उपचारादरम्यान सोमवारी ते मरण पावले.  

#WATCH UP DGP OP Singh addresses BJP MLA Kuldeep Singh Senger as 'Mananiye (honourable)', later clarifies after objection by journalists, 'there is no harm in giving respect to an MLA even if he is an accused, he is not guilty yet' pic.twitter.com/OEVmd4zvXF

— ANI UP (@ANINewsUP) April 12, 2018

 

आयोगाची सरकारला नोटीस
राष्ट्रीय मानवी हक्क आयोगाने यूपी सरकार आणि राज्याच्या पोलीसप्रमुखांना नोटीस बजावली आहे. या प्रकरणाचा चोवीस तासांत अहवाल देण्याचे त्यांना सांगण्यात आले असून, पीडित कुटुंबाला कोणत्याही प्रकारचा त्रास होणार नाही, याची काळजी घेण्याचे निर्देशही दिले आहेत.

Unnao rape case: An FIR has been registered against BJP MLA Kuldeep Singh Senger,confirms Police SO Rajesh Singh pic.twitter.com/5fjTdDj978

— ANI UP (@ANINewsUP) April 12, 2018

भाजपा आमदाराच्या भावाला अटक
युवतीवर बलात्कार केल्याप्रकरणी भाजपाचे आमदार कुलदीपसिंग सेनगर यांचा भाऊ अतुलसिंग सेनगर याला उनाव येथून लखनऊ क्राइम ब्रँचने अटक केली आहे. कुलदीपसिंग व अतुलसिंग या दोघांनी युवतीच्या वडिलांना आठवडाभरापूर्वी मारहाण केल्याचीही तक्रार पोलिसांकडे करण्यात आली होती. यासंदर्भात युवतीने पत्रकारांना सांगितले की, दोन्ही भावांनी माझ्या आयुष्याचे मातेरे केले आहे. दोन्ही भावांना अटक झाली पाहिजे.