...तर पाकिस्तानला चोख प्रत्युत्तर देऊ, संरक्षणमंत्री निर्मला सीतारामन यांचा इशारा
By ऑनलाइन लोकमत | Published: June 5, 2018 03:28 PM2018-06-05T15:28:16+5:302018-06-05T15:28:16+5:30
जम्मू काश्मीरमधील नियंत्रण रेषेवर पाकिस्तानकडून सातत्याने शस्त्रसंधीचे उल्लंघन सुरू आहे. त्यामुळे भारताकडून संतप्त प्रतिक्रिया व्यक्त करण्यात आली असून, संरक्षण मंत्री निर्मला सीतारामन यांनी आक्रमक पवित्रा घेत पाकिस्तानला कठोर शब्दात इशारा दिला आहे.
...तर पाकिस्तानला चोख प्रत्युत्तर देऊ, संरक्षणमंत्री निर्मला सीतारामन यांचा इशारा
Next नवी दिल्ली - जम्मू काश्मीरमधील नियंत्रण रेषेवर पाकिस्तानकडून सातत्याने शस्त्रसंधीचे उल्लंघन सुरू आहे. त्यामुळे भारताकडून संतप्त प्रतिक्रिया व्यक्त करण्यात आली असून, संरक्षण मंत्री निर्मला सीतारामन यांनी आक्रमक पवित्रा घेत पाकिस्तानला कठोर शब्दात इशारा दिला आहे.
रमजान महिन्याच्या काळात पाकिस्तानकडून होत असलेल्या शस्त्रसंधीच्या उल्लंघनाबाबत सीतारामन म्हणाल्या, "भारत शस्त्रसंधीच्या कराराचा आदर करतो. पण आगळीक करून आम्हाला डिवचण्याचा प्रयत्न केल्यास चोख प्रत्युत्तर दिले जाईल. गृहमंत्रालयाने लष्कराशी चर्चा करून रमजानच्या काळात जम्मू काश्मीरमध्ये शस्त्रसंधी लागू करण्याचा निर्णय घेतला होता. पण प्रत्युत्तरदाखल कारवाई करण्याचा अधिकार लष्कराला आहे. त्यामुळे लष्कराला डिवचल्यास ते नक्कीच प्रत्युत्तर देतील."
When it is an unprovoked attack the Army was given the right to retaliate. We honour the ceasefire but of course, a margin was given to us when there is an unprovoked attack: Union Defence Minister Nirmala Sitharaman pic.twitter.com/YHKeidiuUl
— ANI (@ANI) June 5, 2018
यावेळी पाकिस्तानसोबत द्विपक्षीय चर्चेबाबत विचारणा केली असता सीतारामन यांनी सध्याच्या परिस्थितीत चर्चा होण्याची शक्यता फेटाळून लावली. दहशतवाद आणि चर्चा एकत्र होऊ शकत नाही, असे परराष्ट्र मंत्रालयाने आधीच स्पष्ट केले आहे आणि आमच्या सरकारची हीच भूमिका आहे." असे त्या म्हणाल्या.
Terror and talks cannot go hand in hand: Defence Minister Nirmala Sitharaman pic.twitter.com/PudKt9ELb8
— ANI (@ANI) June 5, 2018
रमजान काळात शस्त्रसंधी लागू करण्याचा निर्णय यशस्वी झाला का, अशी विचारणा केली असता सीतारामन म्हणाल्या, शस्त्रसंधी लागू करण्याचा निर्णय यशस्वी झाला किंवा नाही हे निश्चित करणे संरक्षण मंत्रालयाचे काम नाही. आच्या सीमांचे रक्षण करणे हे आमचे काम आहे आणि आम्हाला कुणी डिवचले तर आम्ही शांत राहणारा नाही. डिवचण्यासाठी केल्या गेलेल्या कुठल्याही हल्ल्याला प्रत्युत्तर देण्यासाईठ आम्हाला सज्ज राहिले पाहिजे.
MoD's role isn't to asses whether it was successful or not. It's our business to guard the border & we won't stop if we're provoked. We shall be alert that no unprovoked attack goes without us responding. It's our duty to keep India safe: Union Defence Minister Nirmala Sitharaman pic.twitter.com/VSC4i3cPxZ
— ANI (@ANI) June 5, 2018
तसेच लष्कराकडे शस्त्रास्त्रे आणि दारुगोळ्याची कमतरता नाही. तसेच राफेल करारामध्ये भ्रष्टाचार झाल्याचा आरोपही बिनबुडाचा आहे, असेही सीतारामन म्हणाल्या.
There is no shortage of Defence ammunition today. Allegations of scam in the Rafael deal are baseless: Union Defence Minister Nirmala Sitharaman pic.twitter.com/Lu5Q0LpOHW
— ANI (@ANI) June 5, 2018