खलिस्तानी दहशतवाद्यासोबत नवज्योतसिंग सिद्धूचा फोटो, विरोधकांकडून टीका  

नवज्योतसिंग सिद्धू यांना मंत्रिपदावरुन हटविण्याची मागणी केली आहे. याचबरोबर, विरोधी पक्षांकडून याप्रकरणी नवज्योतसिंग सिद्धू यांच्यावर टीका करण्यात येत आहे. 

ठळक मुद्देखलिस्तानी दहशतवाद्यासोबत नवज्योतसिंग सिद्धूचा फोटो फोटो सोशल मीडियात व्हायरलनवज्योतसिंग सिद्धू यांना मंत्रिपदावरुन हटविण्याची मागणी

नवी दिल्ली : काँग्रेसचे नेते नवज्योतसिंग सिद्धूपाकिस्तान गेले आणि वाद निर्माण झाला, असे कधी झालेच नाही. पाकिस्तानातील करतारपूर कॉरिडोरच्या भूमिपूजन कार्यक्रमात नवज्योतसिंग सिद्धू यांनी हजेरी लावली होती. यावेळी त्यांनी एका खलिस्तानी दहशतवाद्यासोबत काढलेला फोटो सोशल मीडियात पोस्ट करण्यात आला आहे. 

दिल्लीचे आमदार आणि अकाली दलाचे नेते मनजिंदर सिंग सिरजा यांनी हा फोटो पोस्ट केला आहे. यामध्ये खलिस्तानी दहशतवाद्यासोबत नवज्योतसिंग सिद्धू यांचा फोटो आहे. मनजिंदर सिंह सिरजा यांनी फोटो शेअर करत पंजाबचे मुख्यमंत्री कॅप्टन अमरिंदर सिंह यांना लक्ष्य केले. तसेच, नवज्योतसिंग सिद्धू यांना मंत्रिपदावरुन हटविण्याची मागणी केली आहे. याचबरोबर, विरोधी पक्षांकडून याप्रकरणी नवज्योतसिंग सिद्धू यांच्यावर टीका करण्यात येत आहे. 

.@capt_amarinder declined to visit Pak bcos Pak supports anti-India & anti-Punjab activities; but his own Minister @sherryontopp goes agnst his wish & gets clickd with Gopal S Chawla; close aide of Hafiz Saeed & anti-India persn

Wud Captain Sahab sack his irresponsible Minister? pic.twitter.com/EUSb7PK8EJ

— Manjinder S Sirsa (@mssirsa) November 29, 2018

दरम्यान, बुधवारी पाकिस्तानमधील करतारपूर कॉरिडोरच्या भूमिपूजन कार्यक्रमात नवज्योतसिंग सिद्धू यांनी पाकिस्ताने पंतप्रधान इम्रान खान यांचे भरभरुन कौतूक केले. तसेच आता गोळीबारी नकोय, प्रेम अन् शांती हवीय. त्यासाठी आपण सर्वांनीच आपले विचार बदलायला हवेत, असे नवज्योतसिंग सिद्धू यांनी म्हटले. 

एक ग्रुप फ़ोटो में @narendramodi जी से बहुत दूर नीरव मोदी के खड़े होने पर बवाल मचाने वाला @RahulGandhi आज @sherryontopp की फ़ोटो पर क्या कहेगा?

या तो मोदी जी से माफ़ी माँगो राहुल गांधी या फिर सिद्धू को sack करो!

(With Sidhu is Gopal Singh, well-known close aide of Hafiz Saeed) pic.twitter.com/P0QKiTpO6K

— Manjinder S Sirsa (@mssirsa) November 29, 2018

तर पाकिस्तानचे पंतप्रधान इम्रान खान यांनीही नवज्योतसिंग सिद्धूयांचे तोंडभरुन कौतुक केले. नवज्योतसिंग सिद्धू  हे पाकिस्तानला शांतीचा संदेश घेऊन आले होते. मग, त्यांच्यावर टीका कशासाठी ? नवज्योतसिंग सिद्धू हे पाकिस्तानमध्ये खूप लोकप्रिय आहेत. जर, त्यांनी पाकिस्तानमधून निवडणूक लढवली, तरीही ते विजयी होतील, असेही पंतप्रधान इम्रान खान यांनी म्हटले. 

Khalistani Gopal Chawla posts a picture with Punjab Minister Navjot Singh Sidhu on his Facebook page pic.twitter.com/FXHZDl5E75

— ANI (@ANI) November 29, 2018

याआधीही नवज्योतसिंग सिद्धू पाकिस्तानच्या दौऱ्यावर गेले होते. तेव्हा सुद्धा त्यांच्यावर टीका करण्यात आली होती.