विद्यार्थिनींवर अश्लील भाष्य; जेएनयूचे प्रोफेसर अतुल जोहरी विरोधात विद्यार्थी रस्त्यावर, विद्यार्थी आणि पोलिसांमध्ये राडा

विद्यार्थीनींशी अश्लील वर्तन केल्याचा आरोप असलेले जेएनयूचे प्रोफेर अतुल जोहरींच्या विरोधात सोमवारी विद्यार्थी रस्त्यावर उतरले.

नवी दिल्ली- विद्यार्थिनींवर अश्लील भाष्य आणि टिपण्णी केल्याचा आरोप असलेले जेएनयूचे प्रोफेर अतुल जोहरींच्या विरोधात सोमवारी विद्यार्थी रस्त्यावर उतरले. गेल्या तीन दिवसांपासून आंदोलन करत असलेल्या जेएनयूच्या विद्यार्थी संघटनेने जोहरींच्या अटकेची मागणी करत संध्याकाळी सहा वाजता वसंत कुंज पोलीस स्टेशनपर्यंत मोर्चा काढला. या मोर्चात शेकडो विद्यार्थी सहभागी झाले होते. वसंत कुंज पोलीस स्टेशनजवळ पोलीस व विद्यार्थ्यांमध्ये बाचाबाची झाल्याची माहिती समोर आली आहे. विद्यार्थ्यांना पांगविण्यासाठी पोलिसांनी पाण्याची फवारणी केल्याचं समोर येत आहे. 

Jnu students clash with police.. water cannon being used to disperse them. @TOIDelhipic.twitter.com/Ux6mzXu0YF

— Raj Shekhar Jha (@rajshekharTOI) March 19, 2018

 

स्कूल ऑफ लाइफ सायन्सचे प्रोफेसर जोहरीविरोधात 9 विद्यार्थिनींवर अश्लील भाष्य आणि टिपण्णी केल्याचा आरोप आहे. सोशल मीडियावर #ArrestJohri असा हॅशटॅग सुरू केला असून जोहरी यांना अटक करण्याची जोरदार मागणी सोशल मीडियावर केली जाते आहे. दुसरीकडे, दिल्ली महिला आयोगाच्या अध्यक्षा स्वाती मालीवाल यांनी पोलिसांनी विद्यार्थ्यांना दिलेल्या वागणुकीचा निषेध करत पीडित महिलांचं समर्थन केलं आहे. 

स्वाती मालीवाल यांनी ट्विट करत विद्यार्थ्यांना समर्थन दाखविलं.' 9  विद्यार्थिनींवर अश्लील भाष्य आणि टिपण्णी करणारं प्रकरण अतिशय हैराण करणारं आहे. हा व्यक्ती सीरियल ऑफेंडर वाटतो. सगळ्यात हैराण करणारं म्हणजे आत्तापर्यंत दिल्ली पोलिसांनाही आरोपीला अटक केली नाही. डीसीडब्लू या प्रकरणात नोटीस जारी करत आहे. आम्ही तक्रारकर्त्यांसह आहोत, असं ट्विट स्वाती मालीवाल यांनी केलं आहे. 

JNU matter of sexual assault of 9 girls is extermely shocking. The man appears to be a serial offender. Even more shocking is the fact that Delhi Police is yet to arrest the accused. DCW is issuing notices in the matter. We are in support of the brave complainants. https://t.co/LZOMTnOxxG

— Swati Jai Hind (@SwatiJaiHind) March 19, 2018

 

जोहरीविरोधात तक्रार दाखल करणाऱ्या विद्यार्थ्यांना विद्यापीठाच्या काही प्रोफेसर्सनीही पाठिंबा दिला आहे. 54 प्रोफेसर्सनी पोलिसांवर प्रकरणाकडे कानाडोळा केल्याचा आरोप करत प्रोफेसर जोहरी विरोधात लैंगिक छळाच्या तक्रारी दाखल करण्याची मागणी केली आहे. 

In one hour from now, the brave students of School of Life Sciences will march from JNU's Freedom Square to Vasant Kunj Police Station. @DelhiPolice had promised us that they'll arrest Atul Johri by Monday. They haven't. And we all know why. Plz reach Vasant Kunj PS #ArrestJohri

— Shehla Rashid (@Shehla_Rashid) March 19, 2018

How is this sexual offender still roaming freely? @CPDelhi@delhipolice do your job! #ArrestJohri

— Sritama Ray (@ray_sritama) March 19, 2018